САБЫР МЕН СЕНІМ - РУХАНИ ИММУНИТЕТ
Адам баласы өмірінде түрлі ситуацияларға, жағымды не жағымсыз жайттарға тап боп жатады. Алайда ол сынақтармен дұрыс қарым-қатынас орнату үшін оның бойындағы сабыр мен сенім көрсеткішіне жіті мән берген жөн. Өйткені бұл екеуі – адамға кезігетін рухани дерттердің, өмірлік жантүршігерлік жайттардың алдын алуға немесе оларды еңсеріп өтуге, аяққа тік тұруға тәрбиелейтін рухани иммунитет саналады.
Алла Тағала Құранда «сабыр» сөзін бірнеше мәрте қолданған. Кей ғалымдардың айтуынша, аталмыш сөз Қасиетті Құран Кәрімнің 90 жерінде, тағы бір нұсқаға сәйкес, 100 жерінде кездеседі. Бұл көрсеткішке қарап-ақ сабырдың мұсылман кісінің өмірінде қандай ауқымды орын алатынын білсек болады.
Қасиетті Құранда сабыр сақтауға қатысты мынадай аяттар халық арасында мәшһүр:
1) «Ей, иман еткендер! Сабыр және намаз арқылы көмек сұраңдар. Расында Алла сабыр қылушылармен бірге» (Бақара сүресі).
2) «Расында сабыр еткендерге шексіз қайтарым бар» (Зумар сүресі).
3) «Сабыр қыл, сенің сабырың – Алланың көмегімен ғана» (Нәхл сүресі).
Ал аталмыш тақырыпта айтылған хадистерге назар аударсақ, мынадай даналық ойларды кезіктіреміз:
1) «Ешкімге сабырдан жақсы және кең сый берілмеген» (Бұхари).
2) «Мүміннің ісі қандай ғажап! Расында оның барлық ісі ол үшін хайырлы. Бұл нәрсе мүміннен басқа жанға тән емес. Егер ол қандай да бір қуанышқа бөленсе, шүкір етеді және бұл күйі оған хайырлы болады. Ал басына күн туса, сабыр етеді және бұл күйі оған хайырлы саналады» (Муслим).
3) «Намаз – нұр, садақа – дәлел, сабыр – жарық, Құран – саған жақтас немесе саған қарсы айғақ» (Муслим).
 Предыдущий |
Следующий |
| БАЛАЛЫ ҮЙ - БАЗАР | ҚҰРАН - ҚОҒАМҒА МҰҒЖИЗА |
Тақырып аясындағы мақалалар
Қызықты тақырыптар
Намаз уақыттары 
