ЗАҒИП ЖАНДАР ҚҰРАН ХАТЫМ ЖАСАДЫ
Алматы қаласы Алмалы ауданы «Төле би» мешітінде білім алып жүрген бір топ зағип жандар рамазан айында Құран хатым жасады.
Рамазан айының құрметіне зағип жандар мешіт ұстазы Гүлзат Акурпикованың жетекшілігімен Брайл әдісімен Құран Кәрімді толық оқып шықты. Хатым батасын мешіттің бас имамы Еркінбек Шоқай жасап, мүмкіндігі шектеулігіне қарамай қасиетті айда Құранға деген ықыластарына зор алғысын білдірді. Ел амандығы мен тыныштығы үшін дұға жасап, шара соңында зағип жандарға Рамазан сыйлығы ретінде 780 000 теңге көлемінде қаржылай көмек көрсетілді.





