«ҒАЖАП РАМАЗАН» САЙЫСЫ МӘРЕГЕ ЖЕТТІ
Нұр-Мүбарак мешітінде дәстүрге айналған «Ғажап Рамазан» сайысын жоғары деңгейде ұйымдастырылды. Қасиетті ай бойы жалғасқан бұл рухани дода өз мәресіне жетіп, жеңімпаздар марапатталды.
Аталмыш сайыс – еңбектеген баладан еңкейген қарияға дейін қатысуға мүмкіндік беретін ауқымды жоба болғандықтан, жеңімпаздар да әртүрлі бағыттар мен санаттар бойынша анықталды. Солардың бірі – Нұр-Мүбарак университетінің студенттеріне арналған арнайы байқау. Бұл номинацияның жеңімпаздарын НМУ ректоры Ахмад Хусейн Мұхаммад Ибраһим және проректор Ершат Ағыбайұлы арнайы марапаттап, жастарға жүрекжарды тілектерін жеткізді.
Студенттер арасындағы жеңімпаздар:
1-орын – Малайзия еліне жолдама
Мағауия Айқын (1-курс, Исламтану, ЖИМ)
2-орын – Индонезия еліне жолдама
Оразымбетов Алмат (2-курс, Исламтану, Алиф)
3-орын – Түркия еліне жолдама
Мақтабек Мағжан (1-курс, Исламтану, Алиф)
Сонымен қатар, сайыс республикалық деңгейде ұйымдастырылғандықтан, еліміздің әр өңірінен қатысқан үміткерлер арасынан да үздіктер анықталды.
14 жастан асқан ұлдар санаты бойынша:
Берік Шаяхметов (Ақтөбе қаласы) – 500 000 теңге
14 жастан асқан қыздар санаты бойынша:
Сағатова Гүлжаухар – 500 000 теңге
14 жасқа дейінгі балалар санаты бойынша:
Еркін Ержанұлы (Шымкент қаласы) – 300 000 теңге
Бұл игі шара – Рамазан айының рухани мәнін терең сезіндіре отырып, қатысушыларды жақсылыққа, сабыр мен тақуалыққа тәрбиелеген ерекше жоба болды. Осындай берекелі бастамалар алдағы уақытта да жалғасын тауып, талай жүрекке иман нұрын себеріне сенім мол.
Алла Тағала барша қатысушылардың ниеттерін қабыл етіп, жасаған амалдарын еселеп қайтарсын!
Тақырып бойынша жаңалықтар
Қызықты тақырыптар
Намаз уақыттары 
