«МЕЙІРІМ ШУАҒЫ» ЖОБАСЫМЕН БАЛАЛАР ҮЙІНІҢ ТӘРБИЕЛЕНУШІЛЕРІНЕ ДАСТАРХАН ЖАЙЫЛДЫ
Алматы қаласы, Жетісу ауданы «Әл-Мәдина» мешітінің ұйымдастыруымен Рамазан айының құрметіне арналған «Мейірім шуағы» атты рухани ауызашар кеші өтті.
Кешке «Бағанашыл» балалар үйінің тәрбиеленушілері арнайы шақырылды. Кешті мешіт имамы Жақсылық Исметұлы ашып, балаларды мерекемен құттықтады. Сонымен қатар түрлі ойындар ойнатылып, балалардың орындауында қойылымдар көрсетілді. Мешіт ұстазы тәрбиешілерге және балаларға сый-сыяпаттар табыстады. Қуанышты көңіл-күй мен дастарханның тәтті дәмі балаларға ерекше ұнады. Ұйымдастырушыларға алғыс айтып, көңілді қоштасты.







