«ҚАЙЫРЫМДЫ ҚОҒАМ - ҚУАТТЫ ҚОҒАМ» КӘСІПКЕРЛЕРМЕН КЕЗДЕСУ ӨТТІ
Әуезов ауданы мешіттерінің ұйымдастыруымен «Таугүл-3» мешітінде кәсіпкерлермен кездесу өтті.
«Таугүл-3» мешітінің бас имамы Ернар Мәжен алғысөз сөйлеп, ҚМДБ Алматы қаласы өкілдігі бойынша «Қамқор-Шарапат» салттық қызмет көрсету орталығының жұмыс барысына тоқталды. Орталық директоры Талғат Сапанов «Уақып», «Жерлеу рәсімдерін бірізділікке түсіру», «Жаназа істері», «Ас беру кезіндегі дәстүр» сияқты діни рәсімдерді жүйелеу тақырыбын тарқатты. Алматы қаласы бойынша аталмыш бағыттағы жұмыс жоспарымен таныстырып, жерлеу рәсімінде атқарылатын діни рәсімдерден бастап мәйіт көмілген соң қабірге қойылатын құлпытастың шариғат шарттары бойынша қандай болу керектігі жайлы баяндады. Атап айтқанда, мәйітті уақытша сақтау және мұсылманша кебіндеу, катафалка көлік қызметтері Орталық мешітте ашылып, жүйелі жұмыс атқарып жатқанын жеткізді. Алдағы уақытта бірқатар мешіттерде салыну жоспарын жеткізді.
Сондай-ақ, Талғат Сапанов Діни басқарманың тағы бір мақсаты ас беру кезінде ысырапқа жол бермеу, ас беру әдебін қалыптастыру екенін алға тартып, қайтқан кісіге зират тұрғызу, кесене салу және марқұмдарға зиярат жасаудың жалпыға ортақ бірыңғай мәдениеті бар екенін жеткізді.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
