БАС ИМАМ ӘУЕЗОВ АУДАНЫНДА КЕЗДЕСУ ӨТКІЗДІ
Алматы қаласының бас имамы Төлеби Оспан Әуезов ауданындағы Ақсай, Таугүл және Мүзаммил мешіттерінің тыныс-тіршілігімен танысып, діни қызметті жетілдіруге арналған мәжіліс өткізді.
Оған ауданға қарасты мешіттердің барлық имамдары, шаруашылық қызметкерлері және есепшілері қатысты.
«Бұл басқосудың мақсаты – мешітке қатысты сұрақтарды жеке қарастырып, атқарылатын іс-шаралардың жоспарын пысықтау, жұмыс барысында кездесетін қиындықтарды дер кезінде шешу, барлық мешіт қызметкерлерімен кездесіп, олардың ұсыныс-пікірлерін тыңдау болып табылады», - деп атап өтті бас имам.
Жиында Төлеби Оспан «Ислам және адал қоғам» жылы аясында ауданда мүфтият бекіткен 4 бағыт: «Дәстүр және отбасы», «Ихсан және Насихат», «Діни оқу-ағарту» және «Жат діни ағымдардан сақтандыру» бағыттары бойынша іс-шаралардың орындалу барысына тоқталды. Олардың орындалу тетіктерін тарқатып айтып берді. Сонымен қатар мешіт қызметкерлерінің жалақысы мен салықтарын уақтылы төлеуді тапсырды.
Өз кезегінде аудан мешіттерінің имамдары мен шаруашылық қызметкерлерінің де ұсыныстары тыңдалды. Шаһар имамы мешіт ұжымын аталған іс-шараларды жүзеге асыруда белсенді болуға шақырды.
Ақсай мешіті
Таугүл мешіті
Мүзәмміл мешіті
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
