АЛМАТЫ ҚАДІР ТҮНІН ҚАРСЫ АЛДЫ
ҚМДБ Төрағасы, Бас мүфти Наурызбай қажы Тағанұлының жамағатты қадір түнімен құттықтауын Алматы қаласының бас имамы Төлеби Оспан Орталық мешітке жиналған қала тұрғындарына жеткізді. Қасиетті түн қарсаңында бас имам «Қадір түні – мың айдан да қадірлі» тақырыбында уағыз айтып, жамағатқа қасиетті түннің маңыздылығын жеткізді.
Мың айдан да қайырлы Қадір түніне арнайы бағдарлама жасалып, уағыздар кестесі құрылған болатын. Биыл да қасиетті Қадір түніне жиналған жамағаттың қарасы көп болып, мешіт іші мен ауласына лық толды. Орталық мешіттің наиб имамы Қуаныш Әбішев «Ислам және адал қоғам» тақырыбында уағыз айтты. Орталық мешіттің наиб имамдары мешітке келген көпшілік қауымға викториналық сұрақтар жүргізіп, алғыр жеңімпаз жамағаттарға сыйлықтар үлестірді.
Тарауих намазының келесі 4 ракағаты оқылып, мешіт ұстаздары жамағатқа екі рағаттық намаз оқу үлгісінен дәріс өткізді. Жоспарға сай Орталық мешітте тарауық намазын өткізіп жүрген қарилармен сұхбат жүргізілді.
Қасиетті түнді құлшылықпен өткізуге келген жамағат арасынан ақсақалдар, зиялы қауым өкілдері, өнер қайраткерлері мешітке жиналған көпшілікке ақ тілегін арнады. Сонымен қатар қасиетті Қадір түнімен құттықтап, жұртшылыққа мың айдан да қадірлі болған түннің жақсылығы мен сауабын тілеп, ел тыныштығы мен бірлігі үшін дұға жасады.
Сонымен қатар қадір түнінде Тауаф қажылық компаниясымен бір үлкен қажылыққа, үш кіші қажылыққа жолдама беріліп, 4 500 000 теңге қаржылай сый жасалды.
Алматы қаласы әйел-қыздар жамағаты 3 000 нан аса хатым Құран түсіріп, жамағатпен бата жасалды. Тұрғындардың сауалдарына пәтуа мамандары жауап беріп, еркін ғибадатқа берілген уақытта мешітке келген көпшілік түннің екінші бөлігін жұмыла құлшылыққа арнауда.
«Рамазан нұр шашқан ай» мешіттерді үздік безендіру байқауы бойынша жеңімпаз мешіттерді марапаттау рәсімі күтілуде.
Мың айдан да қасиетті қадір түнін ғибадатпен өткізуге жиналған жамағатқа Орталық мешітте сәресі бокстары таратылып, көпшілік мешітте ауыз бекітпек.
Тақырып бойынша жаңалықтар
Қызықты тақырыптар
Намаз уақыттары 
.jpg)
