«ИСЛАМДАҒЫ БАЛА ТӘРБИЕСІ» ТАҚЫРЫБЫНДА СЕМИНАР ӨТТІ
Наурызбай ауданы «Қалқаман-2» мешітінде «Исламдағы бала тәрбиесі» тақырыбында семинар өтті.
Іс-шара Бас мүфти Наурызбай қажы Тағанұлының бастамасымен «Ислам және отбасы құндылығы» жылы аясында бекітілген жылдық жоспар негізінде ұйымдастырылды. Семинар спикері «Қалқаман-2 мешітінің бас имамы, РАНТ мүшесі Руслан Қамбар «Исламдағы бала тәрбиесі» тақырыбында әйел жамағатына насихат айтты. «Әке мектебі», «Бала тәрбиесіндегі 25 қате» т.б кітаптарының авторы Руслан Қамбар: «Пайғамбар (оған Алланың салауаты мен сәлемі болсын) «Әкесінің баласына жасаған жақсылықтарының ең бағалысы – жақсы тәрбие» - деген. Яғни, баланы тәрбиелеу ата-анаға жүктелген үлкен жауапкершілік. Балам жақсы болмасын дейтін ата-ана жоқ, бірақ сол «жақсы бала» тәрбиелеп шығару көп ата-ананың қолынан келе бермейді. Баланы дәстүрді дәріптеп, Пайғамбардың сүннетімен тәрбиелейтіндер аз. Білімді ұрпақты тәрбиелеу қазіргі күні үлкен жауапкершілік», - деп атап өтті.
Семинар барысында аналар тарапынан қойылған өзекті сұрақтарға жауап беріліп, ой-пікір алмасты.
Новости по теме
Интересные материалы
Время намаза 
