«ӘКЕ – ОТБАСЫНЫҢ ТІРЕГІ» АТТЫ СЕМИНАР ӨТТІ
Алмалы ауданы «Төле би» мешітінде жас әкелерге арналған «Әке – отбасының тірегі» атты тағылымды семинар өтті.
Отбасы құндылықтарын дәріптеп, әкелік жауапкершіліктің маңызын насихаттауды мақсат еткен рухани кездесуде Алматы Орталық мешітінің наиб имамы Бекзат Сыздықов және мешіттің бас имамы Еркінбек Шоқай жамағатқа өнегелі насихаттарын жеткізді.
Семинар барысында әкенің отбасындағы орны, бала тәрбиесіндегі жауапкершілігі, ұрпаққа үлгі болудың маңызы және шаңырақтың берекесін сақтаудағы ер азаматтың рөлі кеңінен түсіндірілді. Сондай-ақ ұрпақ тәрбиесіне бейжай қарамай, отбасына қамқорлық таныту, балаға көркем мінез бен ізгілік қасиеттерін бойына сіңірудің маңыздылығы айтылды.
Әке – отбасының қорғаны, ұрпақтың өнегесі, шаңырақтың берік тірегі. Әкелік міндетті абыроймен атқарып, отбасында ізгілік пен имандылықтың үлгісін көрсету – әрбір ер азаматтың қасиетті борышы.
Осындай тағылымды кездесулер жас әкелердің жауапкершілігін арттырып, отбасылық құндылықтардың нығаюына септігін тигізері сөзсіз.
Новости по теме
Интересные материалы
Время намаза 
