«ЖАС ӘКЕЛЕР КЛУБЫ» – БЕРЕКЕЛІ БАСТАМА
ҚМДБ Төрағасы, Бас мүфти Наурызбай қажы Тағанұлының бастамасымен «Ислам және отбасы құндылығы» жылы аясында «Нұр-Мүбарак» мешітінің ұйымдастыруымен «Жас әкелер клубы» құрылып, кезекті отырысы сәтті өтті.
Клубтың басты мақсаты — бүгінгі әкенің рөлін күшейту, отбасындағы жауапкершілікті арттыру, бала тәрбиесіне белсене араласатын саналы әкелер буынын қалыптастыру.
Осы игі бастама аясында кезекті кездесуде бала тәрбиесіне арналған тағылымды семинар өтті. Семинар спикері — оқытушы-тренер, MIE educator, бала тәрбиесіне арналған авторлық тренингтер жүргізетін маман, әрі «Ата-аналар клубы» қоғамдастығының негізін қалаушы, Қазақстан мұсылмандары діни басқармасы жанынан құрылған жастар кеңесінің мүшесі Ескендір Бестай ұстаз болды.
Семинар барысында бала тәрбиесіндегі әкенің орны, баламен сенімді әрі жылы қарым-қатынас орнату жолдары, заманауи қоғамдағы тәрбиелік сын-қатерлер және олардың шешу жолдары кеңінен талқыланды. Ұстаз Ескендір Бестай қатысушылармен шынайы диалог орнатып, өмірлік мысалдар арқылы тәрбие беру әдістерін тереңінен ашып көрсетті.
Бұл басқосу жас әкелер үшін пайдалы тәжірибе алаңы болып, оларды тәрбиенің маңызды тұстарына терең бойлауға, өзара пікір алмасуға және отбасылық құндылықтарды жаңаша қырынан ұғынуға мүмкіндік берді.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
