«ҰЛТТЫҚ ТӘРБИЕДЕГІ ОТБАСЫНЫҢ ОРНЫ» ТАҚЫРЫБЫНДА СЕМИНАР ӨТТІ
«Ислам және отбасы құндылығы» жылы аясында Алматы мешіттері Әйел-қыздар секторы және Нұр-Мүбарак мешітінің ұйымдастыруымен «Ұлттық тәрбиедегі отбасының орны» атты тағылымды семинар өтті.
Іс-шара барысында ұлттық тәрбие мен отбасылық құндылықтардың маңызы кеңінен талқыланды. Семинардың негізгі мақсаты — отбасы институтының рөлін нығайту, ата-ана тәрбиесіндегі жауапкершілік пен ұлттық руханиятты насихаттау болды.
Шараға түрлі саланың білікті мамандары мен тәжірибелі ұстаздары қатысты: Атап айтсақ,
▪️Тоқжанова Мөлдір Төлепбергенқызы — жасөспірім және бала психологы, Qalam School мектебінің құрылтайшысы, «Ата-ана білмейтін қателіктер» кітабының авторы, төрт баланың анасы;
▪️Гүлмира Ілесбайқызы — ҚМДБ «Әйел-қыздар» секторы Алматы қаласы бойынша жауапты маманы;
▪️Қарлығаш Қажымәлікқызы — Астана қаласы Бас мешітінің аға ұстазы;
▪️Хафузат Ысқаққызы — Алматы қаласы мешіттері Әжелер мектебінің төрайымы;
▪️Шолпан Ахмет — ұлттық жәдігерқорын жинаушы, төл мұрамыздың жанашыры.
▪️Ақару Серболатқызы — көп балалы ана, үлгілі келін, ұлағатты ұстаз;
Семинарды арнайы ашқан — Жанат Алдияр, Малайзия университетінің түлегі, Нұр-Мүбарак университеті және мешітінің ұстазы, сондай-ақ «Мәңгілік махаббат» кітабының авторы. Өзінің жылы лебізімен жиынды бастап, қатысушыларға рухани серпін сыйлады.
Семинар барысында отбасы құндылықтарын сақтау, ұрпақ тәрбиесіндегі ұлттық сана мен имани тәрбиенің рөлі жайында маңызды ойлар айтылып, қатысушылар мол тағылым алды.
Іс-шара соңында барлық қатысушыға алғыс білдіріліп, дұға жасалды.
Тақырып бойынша жаңалықтар
Қызықты тақырыптар
Намаз уақыттары 
