РЕСПУБЛИКА КҮНІНЕ ОРАЙ ЖАМАҒАТ АРАСЫНДА БІЛІМ САЙЫСЫ ӨТТІ
Республика күніне орай Таугүл мешітінде Әуезов ауданының жамағаты арасында білім сайысы ұйымдастырылды.
Білім сайысына Алматы Орталық мешітінің наиб имамы, РАНТ мүшесі Қуаныш қари Тоқсанбайұлы төрелік етті. «Ең алғаш көктен түскен Құдай бұйрығы «Оқы!» болғандығын һәм ардақты Пайғамбарымыздың (оған Алланың салауаты мен сәлемі болсын) қызығып, қызғана қарауға лайықты екі тұлғаның бірі білім иесі» деген білім алу жайлы өнегелі сөздерін мысал айта отырып, «Білекке сенген заманда ешкімге есе бермедік, білімге сенген заманда қапы қалып жүрмелік», - деп Абылай хан айтқандай білім - ел дамуының басты тетігі», - деп атап өтті. Аудан имамы Серікхан Рымханұлы ата-ананы құрметтеу, ұрпақ тәрбиесі сияқты маңызды ұлттық құндылықтарды сақтау мен білім алу, әсіресе мұсылманша сауат танудың қажеттілігіне тоқталды.
Сөз соңында, жамағатты Республика күнімен құттықтап, ел амандығы мен тыныштығы үшін бата жасады. Жеңімпаз топтарға қаржылай сертификаттар табысталды.
Тақырып бойынша жаңалықтар
Қызықты тақырыптар
Намаз уақыттары 
