АЛМАТЫ ИМАМДАРЫ АРАСЫНДА СПАРТАКИАДА ӨТТІ (ФОТО)
Қазақстан Мұсылмандары Діни басқармасының 35 жылдығына орай, Бас мүфти Наурызбай қажы Тағанұлының бастамасымен Алматы имамдары арасында ұлттық ойындардан спартакиада өтті.
Сайыстың ашылу салтанатында қаланың бас имамы Төлеби Оспан жарыстың мақсатына тоқталып, қатысушы командаларға сәттілік тіледі. «ҚМДБ-ның 35 жылдық мерейтойына арналып өткізіліп жатқан сайыстың басты мақсаты – дін қызметкерлері арасында салауатты өмір салтын насихаттау, бірлік пен бауырмалдықты арттыру болмақ. Осы игілікпен мешіт жамағаттарына үлгі-өнеге көрсету болып табылады. Бұл жайында Пайғамбарымыз (оған Алланың сәлемі мен салауаты болсын) хадистерінде де айтылады. Бүгінгі спартакиада – күш сынасып, кім мықтыны анықтау емес, тәні мықты мұсылман сауапты істерге ұйытқы болатынын, жақсылықтың жаршысы бола алатынын дәріптеу», – деді Төлеби Дәділұлы.
Турнирге барлығы 8 команда қатысты. Атап айтқанда Алмалы ауданы «Тастақ тарландары», Алатау ауданы «Алатау Шымыр», Әуезов ауданы «Айбын», Бостандық ауданы «Арлан», Жетісу ауданы «Жетісу», Медеу ауданы «Сұңқар», Наурызбай ауданы «Алаш» және Түрксіб ауданы «Барыс» командалары қатысып, өзара бақ сынады.
♦ Спартакиада қорытындысы бойынша:
І орынды Алатау ауданының «Алатау Шымыр» командасы 300 000 тг;
ІІ орынды Алмалы ауданының «Тастақ тарландары» командасы 200 000 тг;
ІІІ орынды Түрксіб ауданынан қатысқан «Барыс» командасы 100 000 теңге қанжығасына байлады.
Сонымен қатар «Үздік киім үлгісі» номинациясы бойынша:
Алатау ауданы «Шымыр» командасы;
Медеу ауданы «Сұңқар» командасы;
Түрксіб ауданы «Барыс» командасы үздік деп танылды.
Жеңімпаз командалар мен қатысушыларды шаһардың бас имамы Төлеби Оспан марапаттап, арнайы алғыс хаттар мен қаржылай сыйлықтарды табыстады. Бірлік пен татулықты үлгі еткен имамдар арасындағы сайыс тартысты һәм қызықты өтті.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
