«ҰЛТТЫҚ ТӘРБИЕ - ОТБАСЫ ҚҰНДЫЛЫҒЫ» әйел-қыздар жамағаты бас қосты
Алматыдағы «А.Құнанбайұлы» және «Әл - Мәдина» мешіттерінің ұйымдастыруымен отбасындағы қыз баланың тәрбиесі, салт - дәстүрлерге қатысты іс-шара өтікізілді.
Отызға жуық жамағат жиналған отырыс ақ дастархан басындағы ұстаздардың уағызы мен қазыналы қарттардың тәрбиелік мәні зор насихатымен маңызды болды. Жиынды «Әл-Мадина» мешітінің ұстазы Айнұр Шаймерденқызы ашып беріп, отбасындағы қыз баланың орны мен тәрбиесі, қазақ аналарының академиясының ұрпақ тәрбиесіндегі маңыздылығы жайлы сөз қозғады. Сөзді ары қарай жалғаған Алматы қаласы бойынша әжелер мектебінің төрайымы Хапузат Ысқаққызы қазақ қызының көркем мінезінің қалыптасуы, дәстүріміздегі бала тәрбиесінің ұлт болашағының кемелдеуіне әсері жайлы айтты. «А.Құнанбайұлы» мешітінің шәкірті Гүлзира Абдикаримова қазақ халқының қыз балаға қатысты тәрбиесінің кезеңдерін мен бала тәрбиелеудегі ананың орнын атап өтті. Жиын барысында «А.Құнанбайұлы» мешітінің ұстазы Шахризат Әбтайқызы шәкірттері арасында ұйымдастырған «Ілімнің жарық жұлдызы» атты үш айға созылған білім сайысының қорытындысын жариялап, жеңімпаздарға сыйлық табыстады. Іс-шара соңында «Әл-Мадина» мешітінің жамағаты оқыған Құранның хатымы жасалды.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
