«РАМАЗАН – ҚҰРАН АЙЫ»: «ФӘЖР» - «НӘС» СҮРЕЛЕРІ АРАСЫНДА САЙЫС ӨТТІ
Алматы қаласы өкілдігінің жылдық жоспарына сәйкес, Нұр-Мүбарак оқу-әдістемелік мешітінде Бостандық ауданы көлемінде «Рамазан – Құран айы» тақырыбында Фәжр сүресінен Нәс сүресіне дейін Құранды жатқа оқу сайысы өткізілді.
Қасиетті Рамазан айында ұйымдастырылған бұл рухани шараның негізгі мақсаты – жас шәкірттердің Құран Кәрімге деген сүйіспеншілігін арттыру, жаттаған аяттарын бекіту және оларды Құранға қызмет ету жолында жігерлендіру болды.
Байқауға аудан мешіттерінен жиналған жалпы саны 51 шәкірт қатысып, өздерінің Құран жаттаудағы дайындығы мен шынайы ықыласын көрсетті. Қатысушылардың еңбегін бағалау мақсатында 40 шәкірт алғыс хатпен марапатталып, олардың жетеуіне 10 000 теңге көлемінде ынталандыру сыйақысы табысталды. Сонымен қатар, барлық қатысушыларға мерекелік гүлдер ұсынылды.
Сайыс нәтижесі бойынша жүлделі орындарға ие болған жеңімпаздар:
1-орын – 50 000 тг
Құрманәлі Айым – Д.Қонаев мешітінің шәкірті
2-орын – 40 000 тг
Сағиева Әсел – Д.Қонаев мешітінің шәкірті
3-орын – 30 000 тг
Омаркулова Азиза – Орталық мешіттің шәкірті
4-орын – 20 000 тг
Аринова Зарина – Нұр-Мүбарак мешітінің шәкірті
Сайыстың әділ әрі жоғары деңгейде өтуіне атсалысқан қазылар алқасының мүшелері – Жанат Алдиярова, Гүлмира Сүлейменова, Жазира Хасенова ұстаздарға шынайы алғысымызды білдіреміз.
Алла Тағала Құран жолында еңбек етіп жүрген барлық ұстаздар мен шәкірттердің амалдарын қабыл алып, жүректерімізді Құран нұрымен әрдайым нұрландырсын!
Тақырып бойынша жаңалықтар
Қызықты тақырыптар
Намаз уақыттары 
