ӘЙЕЛ-ҚЫЗДАР СЕКТОРЫ: «МӘУЛІТ ЖЫРЫ» РУХАНИ КЕШІ ӨТТІ
ҚМДБ «Әйел-қыздар» секторы Алматы өкілдігіне қарасты Алатау ауданы «Әскер-ата» мешітінің ұйымдастыруымен Мәуліт айының құрметіне орай «Мәуліт жыры» атты рухани кеші өтті.
Мәуліт кешінің шымылдығын «Әскер-ата» мешітінің наиб имамы Бақытжан ұстаз Құран оқуымен ашылып, мешіттің бас имамы Жанболат Райымбекұлы рухани кешке келген қонақтарды Мәуліт мерекесімен құттықтауымен жалғасты. Жанболат Сапашов жамағатқа Сахабаның Пайғамбарымызға (оған Алланың салауаты мен сәлемі болсын) деген сағынышы мен махаббаты жайлы насихат айтып, Мәуліт жырын оқыды.
Аталмыш іс шарада ҚМДБ «Әйел-қыздар» секторы Алматы өкілдігі бойынша жауапты маманы Гүлмира Ілесбайқызы Пайғамбарымыздың (оған Алланың салауаты мен сәлемі болсын) хадистерінен дін мен дәстүрді ұштастыру маңыздылығы мен дініміздің асыл құндылықтарын атап өтті.
Сондай-ақ жамағат арасында викториналық сұрақтар қойылып, Салауат жарысы ұйымдастырылып, жеңімпаздарға сыйлықтар таратылды. 91 жастағы Құран қариы Жұмагүл апа Пайғамбарымызға (оған Алланың салауаты мен сәлемі болсын) арналған Құран Хатым батасын беріп, еліміз бен жерімізге тыныштық, халқымызға амандық тіледі. Рухани кештің арнайы қонағы «Ұл анасы» қауымдастығының ұстазы және отбасы құндылығын дәріптеуші ғалым, дінтанушы Құралай Жарболқызы қазақ әйелдерінің исламдағы рөлін ашып айтты.
Игі іс-шара ұйымдастырушысы «Әскер-ата» мешітінің ұстазы Әлия Бибалақызы Пайғамбарымыздың (оған Алланың салауаты мен сәлемі болсын) мейірімділігі, жомарттығы, өзінің үмметіне деген қамқорлығы және т.б. қасиеттерін жамағатқа насихаттады.
Мәулітке арналған мерекелік шараға келген мешіттің әйел жамағатына және құрметті қонақтарға арналған берекелі дастархан жайылып, ас берілді.
Қызықты тақырыптар
Намаз уақыттары 
.jpg)
.jpg)
.jpg)
.jpg)
