«ӘБУ-ХАНИФА» МЕШІТІНДЕ «МЕКТЕПКЕ ЖОЛ-2025» ҚАЙЫРЫМДЫЛЫҚ ШАРАСЫ ӨТТІ

Медеу ауданы, «Әбу Ханифа» мешітінің ұйымдастыруымен «Мектепке жол - 2025» атты қайырымдылық акциясы ұйымдастырылды.
Қайырымдылық шарасында балаларды жаңа оқу жылының басталуымен құттықтап, жаңа оқу жабдықтары салынған сөмкелер табысталды. Игі шарада тұрмысы төмен көмекке мұқтаж отбасыларынан шыққан 100 балаға оқу жабдықтары салынған сөмке үлестірілді. Ата-аналар ұйымдастырушы мешіт қызметкерлері мен демеуші азаматтарға алғыстарын жеткізді.
ҚМДБ «Зекет және қайырымдылық» қорының Алматы қаласы бойынша өкілдігі мұрындық болған қайырымдылық шараларына жомарт жандар да атсалысып, демеушілік көрсетуде. Жақсылықта жарысқан азаматтарға Алла разы болғай!