«САҢЛАҚ САХАБАЛАР» ЖАЙЛЫ БІЛІМ МЕН ӨНЕР БӘЙГЕСІ ӨТТІ
Алматы қаласы Наурызбай ауданы «Мұхаммед әл-Әмин» мешітінде әйел жамағатына арналған ерекше форматтағы рухани-танымдық шара – «Саңлақ сахабалар» атты білім және өнер жарысы өтті.
Шараның басты мақсаты – Ислам тарихындағы сахабалар өмірін терең таныту, олардан өнеге алу арқылы имани тәрбиені күшейту әрі әйел жамағатының діни сауатын арттыру болды.
Жарысқа жалпы 4 топ қатысты. Қатысушылардың жасы 18-ден 70 жасқа дейінгі аралықты қамтыды. Әр топ құрамында 7-8 қыз-келіншектер болды, олардың арасында жас келіншектермен қатар, ақ жаулықты аналар да бар. Жарысқа қатысушылар «Саңлақ сахабалар» атты танымал еңбектің авторы – ұстаз Алау Әділбаевтың кітабы негізінде дайындалды.
Байқау 4 кезеңнен тұрды:
1. «Топты таныстыру» – Топтар өз аттарын сахабалар есімінен таңдап, сол сахаба жайлы қысқаша мәлімет пен мәнді ұран арқылы көрермендерге өздерін таныстырды.
2. «Білгіш сахабалар» викторинасы – Kahoot платформасы арқылы ұйымдастырылған бұл бөлімде қатысушылар сахабалар өміріне қатысты 20-дан аса сұраққа жарыса жауап берді.
3. «Кім бұл сахаба?» – Топтар сахабалардың даналық сөздері мен өмірінен алынған деректер арқылы олардың есімін табуға тырысты.
4. «Сахнада тірілген тағылым» – Соңғы кезеңде әр топ сахабалардың өмірінен алынған тәрбиелік мәні терең сахналық қойылым дайындап, көрерменнің жүрегіне жол тапты.Мешіт ұстаздары әділ қазылық жасап, Алматы қаласы бойынша «Әйел-қыздар» секторының жауапты маманы Гүлмира Ілесбайқызы «Отбасы құндылығы» жайлы уағыз насихат айтты. Сонымен қатар мешіттің бас имамы Бақыт Улжаев батасын беріп, жеңімпаздарды құттықтады.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
