ОРТАЛЫҚ МЕШІТТЕ ИМАМДАР ҚҰРАН ХАТЫМ ЖАСАДЫ
ҚМДБ Төрағасы Бас мүфти Наурызбай қажы Тағанұлының бастамасымен қасиетті Рамазан айына қатысты бекіткен жұмыс жоспарында дін қызметкерлері ұжыммен бірге Құран хатым түсіріп, бата жасау іс-шарасын тапсырған болатын. Осыған орай бүгін Алматы Орталық мешітінде қаланың бас имамы Төлеби Дәділұлы бастаған дін қызметкерлері қасиетті Рамазан айында Құран хатым түсіріп, ұжыммен бірге бата жасады.
Құран оқу үшін жиналу, бірігу – жақсы (сауапты) істер қатарында. Құран оқушыға да, оны тыңдаушыға да сауап жазылады. Ардақты Пайғамбарымыз (оған Алланың салауаты мен сәлемі болсын) оқитын әрі тыңдайтын. Алла Тағала: «Құранды мәнерлеп (анық) оқы» («Муззәммил» сүресі, 4-аят), «Оларға (оның) аяттары оқылғанда имандары бекиді һәм Раббыларына барынша тәуекел етеді» («Әнфәл» сүресі, 2-аят), – деді. Осы аят негізінде бүгін Алматы Орталық мешітінің имамдары Құран хатым жасап, барша ұжым бірігіп отырып дұға жасады.
«Уа, Раббым! Бізге Құранды толық оқып шығу нығметін нәсіп еттің. Бұл амалымызды қабыл ет! Оқылған аяттардың нұрымен жүрегімізді нұрландыр! Бізді тура жолдан тайдырма! Бұл Құран хатымының сауабын ата-анамызға, жақындарымызға, барша мұсылмандарға бағыштаймыз. Біздің күнәларымызды кешір, дұғаларымызды қабыл ет, бізді екі дүниенің жақсылығына бөлей гөр. Әмин!», - деген қаланың бас имамы Төлеби Оспан барша мұсылман жұртын тағы да қасиетті Рамазан айымен құттықтады. Орталық мешіт қызметкерлері ұжым болып дұға жасады. Бұл игі бастама Алматы өкілдігі бойынша қала мешіттерінде өз жалғасын табатын болады.
Тақырып бойынша жаңалықтар
Қызықты тақырыптар
Намаз уақыттары 
.jpg)
