АЛМАТЫ МЕШІТТЕРІНІҢ АУЫЗАШАР ДАСТАРХАНДАРЫ ТЕКСЕРІЛДІ
Алматы қаласындағы мешіттерде Рамазан айына орай ұйымдастырылған ауызашар дастархандары «Халал Даму» мамандарының бақылауынан өтті.
Тексеріс жұмыстарына ҚМДБ «Халал Даму» бөлімінің Алматы қаласы бойынша жауапты мамандары Терлікбаев Өмиржан және технологтар Сәбитқызы Әселхан, Шалқарқызы Жансая қатысты. Іс-шара барысында дастарханға ұсынылған тағамдардың халал талаптарына сәйкестігі, шикізаттың сапасы мен сақтау шарттары, қызметкерлердің жеке бас тазалық ережелерін сақтау және ас дайындау мен тарату процесінің тазалығы қаралды.
Барлық тексерілген дастархандар халал стандарттарына сәйкес екені анықталды. Бұл іс-шараның мақсаты – Рамазан айында мешіттерде қауіпсіз және сапалы тағам ұсынуды қамтамасыз ету, сондай-ақ халал стандарттарының сақталуын насихаттау.
Мешіт жамағаты адал және сапалы тағаммен ауыз ашып, сенімді түрде дастарханын пайдаланды. мамандардың ас адалдығын тексеру іс-шарасы алдағы уақытта да жалғасын таппақ.





















