ЖАРАПАЗАН МӘТІНІНЕ БАЙҚАУ ҚОРЫТЫНДЫЛАНДЫ
Алматы қаласының бас имамы Төлеби Оспан Жарапазан мәтіні бойынша жарияланған байқау нәтижесін қорытындылап, жеңімпазды марапаттады.
Жыл басында Бас мүфти Наурызбай қажы Тағанұлының бастамасымен Алматы Орталық мешіті барша қалам ұстаған азаматтар арасында жарапазан жырының жаңа мәтінін жазу бойынша байқау жариялаған еді. Байқау мақсаты - уақыт талабына сай жарапазан жырын жаңа үлгіде жазып, халыққа ұмыт болып бара жатқан жарапазан жырын айту дәстүрін жаңғырту болмақ.
Байқау қорытындыланып, қазылар алқасы ҚМДБ ҒЗИ директоры, доцент Қыдыр Төрәлі, М.О. Әуезов атындағы Әдебиет және өнер институтының ғылыми қызметкері, PhD докторант Бауыржан Мырзақұл, Алматы Орталық мешітінің баспасөз хатшысы Жидебай Гүлзира jarapazan2026@mail.ru мекен-жайына келіп түскен 30 дан астам жарапазан мәтіндері арасынан жеңімпаздарды анықтады.
- Рамазан айының келгенін сүйіншілеу;
- Ораза айының артықшылығын жеңіл түрде жеткізу;
- Дін мен дәстүрдің сабақтастығын көрсету;
- Жарапазан айту ата-бабадан мұра болған дәстүр екендігін айту шарттары негізінде жүлделі үш орын иелері белгіленді.
Сонымен, жүлделі
І орын – 300 000 теңге - Біләл Қуаныш (Алматы қаласы);
ІІ орын – 200 000 теңге - Еркебұлан Қайназар (Астана қаласы);
ІІІ орын – 100 000 теңге - Мұхиден Ботакөз (Астана қаласы) жаңа жарапазан мәтін авторларына бұйырды.
Ең үздік жарапазан мәтін Рамазан айында орындалады. Ал басқа жарапазан мәтіндері сайтқа жарияланады.
1 орын Біләл Қуаныш
2 орын Еркебұлан Қайназар
3 орын Мұхиден Ботакөз
Алматы Орталық мешітінің
Баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
