«МҰСЫЛМАНДЫҚ ШАРТЫ» КІТАБЫ НЕГІЗІНДЕ САЙЫС ӨТТІ
Алатау ауданы ұстаздарының ұйымдастыруымен қазақ халқының біртуар ақын-жазушысы, философ, тарихшы Шәкәрім Құдайбердіұлының «Мұсылмандық шарты» кітабы бойынша рухани танымдық сұрақ-жауап сайысы өтті.
Қазақ даласынан шыққан зиялы қауымның еңбектерімен таныстырып, оның ішіндегі асыл мұраны паш ету мақсатымен. Шәкәрім Құдайбердіұлының «Мұсылмандық шарты» кітабында ислам дінінің басты қағидаларын, иман:сенім-наным мәселесін, ғибадат: құлшылық мәселесін және ихсанды қазақ тілінде халыққа түсінікті қылып жазған. Ғалым еңбегінің негізін Қасиетті Құран аяттарынан, ардақты Пайғамбарымыз (оған Алланың салауаты мен сәлемі болсын) хадистерінен, мәшһүр ғалымдардың сөздерінен дәлел келтіре отырып жазады. Шара барысында Алматы қаласы, Алатау аудандық «Бекет ата» мешітінің бас имамы Амантай Садиев : «Дәстүр мен дін» сабақтастығы аясында жасалып жатқан осындай рухани іс-шаралар өскелең ұрпақтың сауатты болуына септігі зор. Аллаға құлшылық жасайтын мұсылман сенімінің дұрыстығына жасап жатқан ғибадаты шариғатқа сай болуына аса мән беруі қажет», - деп атап өтті.
РАНТ мүшесі, «Мырзахмет» мешітінің бас имамы Мәди Ахметов асыл дініміздің салт-дәстүрімізбен байланысы жөнінде мысалдар келтірді. Шара Қазақстан мұсылмандары діни басқармасы бекіткен жоспар бойынша Шәкәрім Құдайбердіұлының 165 жыл толуына орай өткізілді. ҚМДБ «Әйел-қыздар» секторының Алматы өкілдігі бойынша жауапты маманы Гүлмира Ілесбайқызы осындай игі шаралар алдағы уақытта да жалғасын табатынын жеткізді. «Заря Востока» мешітінің ұстазы Рысакова Лейла, «Мырзахмет» мешітінің ұстазы Ахметова Маржанқыз жиналған әйел-қыздарға уағыз-насихат айтты.
Тест нәтижелері бойынша 1-ші орынды «Д.Қонаев» мешітінің шәкірттері иеленсе, 2-ші орын «Мырзахмет» мешітінің шәкірттеріне, 3-ші орын «Қарасай Батыр» мешіт шәкірттеріне бұйырды.
Шәкірттер арасында Пайғамбарымызға (оған Алланың салауаты мен сәлемі болсын) салауат айтылып, сұрақ-жауап ойындары ұйымдастырылды. Жүзден жүйрік шыққандар естелік сыйлықтармен марапатталды. Мешіт ұйымдастырған дастарханнан дәм татып, ақ жаулықты әжелеріміз елдің, амандығы, тыныштығы үшін бата жасалды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
