«ДӘСТҮР ЖӘНЕ ОТБАСЫ»: ТАУГҮЛ МЕШІТІНДЕ ТРЕНИНГ ӨТТІ
Әуезов ауданы Таугүл мешітінде «Жас отбасы: жұбайлық өмірдегі алғашқы жылдар» атты тәрбиелік тренинг өтті.
Бас мүфти Наурызбай қажы Тағанұлы жыл басында бекіткен бағдарлық баяндамадағы «Дәстүр және отбасы» бағыты аясында жамағат жас-жұбайлармен кездесу ұйымдастырылды. Жас отбасылармен кездесуде мешіттің бас имамы дінтанушы, PhD докторант Руслан Қамбар «Пайғамбарымыздың (оған Алланың салауаты мен сәлемі болсын) отбасылық келіспеушіліктерді шешудегі үйреткен тәсілдері» жайлы кең мәлімет берді. Келесі спикер ҚМДБ «Әйел-қыздар» секторы Алматы қаласы бойынша жауапты маманы, ұстаз Гүлмира Ілесбайқызы «Әйелдің отбасындағы рөлі» тақырыбында сөз сөйледі.
Отбасылық өмір жайлы сұрақ-жауаптар алмасты.
Тренингке қатысушыларға Мүфтият баспасынан шыққан «Үйленбей тұрып үйрен» кітабы сыйлыққа берілді.







