ӘЛМЕРЕК ШАҒЫН АУДАНЫНДА НАУРЫЗ МЕРЕКЕСІ ТОЙЛАНДЫ
ҚМДБ Төрағасы Бас мүфти Наурызбай қажы Тағанұлының Наурыз мерекесімен құттықтау сәлемін Алматы қаласының бас имамы Төлеби Дәділұлы Түрксіб ауданы, Әлмерек шағын ауданының тұрғындарына жеткізді.
Көктемнің шуақты күнінде Әлмерек шағын ауданында Наурыз мерекесі тойланып, дәстүр дәріптелген игі іс-шара өтті. Мерекелік шараға шаһардың бас имамы Төлеби Оспан бастаған дін қызметкерлері қатысып, бабалар рухына қасиетті Құран аяттары оқылды. Аудан тұрғындарын наурыз мерекесімен құттықтап, ел амандығы мен тыныштығы үшін бата жасалды. Ауданға қарасты мешіт қызметкерлері де қатысқан мерекелік шарада ұлттық ойындардан спорттық жарыстар ұйымдастырылып, мектеп оқушылары сахнада өнер көрсетті. Ауыл ақсақалдары мен ақ жаулықты әжелер ұлттық дәмнен ауыз тиіп, ұйымдастырушыларға алғыстарын жеткізді.
Мерекелік шара соңынан Алматы қаласының бас имамы Төлеби Оспан «Таза Қазақстан» акциясы аясында Түрксіб ауданы Макка мешітінің ұйымдастыруымен ағаш отырғызу іс-шарасына қатысты. Еліміздің өзекті экологиялық мәселелерін шешуге бағытталған кешенді бағдарлама «Таза Қазақстан» акциясы аясында қаладағы мешіттерде ауқымды іс-шараларды қамтылуда. Соның ішінде мешіт ауласын тазалау, әрлеу-сырлау, жарықтандыру, қоқыстан жүйелі түрде тазалау жұмыстары атқарылуда.
Алматы өкілдігі бойынша баспасөз қызметі



























