ҚҰРАН КӘРІМДІ ЖАТҚА ОҚУ БОЙЫНША ҚЫЗДАР АРАСЫНДА V РЕСПУБЛИКАЛЫҚ БАЙҚАУҒА АЛМАТЫ ҚАЛАСЫ БОЙЫНША ІРІКТЕУ ӨТЕДІ
Қазақстан мұсылмандары діни басқармасының ұйымдастыруымен Құран Кәрімді жатқа оқудан қыздар арасында V республикалық байқауға Алматы қаласы бойынша іріктеу өтеді.
Алла Тағала Құран Кәрімде игілікте жарысуды бұйырған болатын. Яғни Алланың кәламын жаттау мен оқу арқылы жарысуға үндеді. Хақ Тағаланың осы үндеуін орындау мақсатында, Қазақстан мұсылмандары діни басқармасы Қыздар арасында бесінші байқауды 25-26 сәуір аралығында Түркістан қаласында өткізеді.
Осы орайда, бас байқауға қатысу үшін Алматы қаласы бойынша іріктеу сайысы 12 сәуір күні өткізіледі. Үміткердің құжаттары 2026 жылдың 8 сәуіріне дейін қабылданады.
Үміткер қыздарға қойылатын талаптар:
– үміткердің Қазақстанның азаматы болуы міндетті;
– әйел адам болуы шарт;
– үміткердің жасы 30-дан аспаған болуы қажет;
– үміткер бір номинацияға ғана қатыса алады;
– әр номинацияда талап етілетін параларды толық жаттауы тиіс;
– жарысқа қатысушының жаттаған паралары толық болуы керек, яғни екі жерден жарты-жарты параны біріктіріп ұсынуға болмайды;
– жарысқа қатысу құжаттарын ұйымдастырушылар белгілеген мерзімде тапсыруы керек;
– Құранды жатқа оқу номинациясы бойынша республикалық жарыстардың жүлдегерлері жарысқа қатыса алмайды.
Үздік жүлдегерлер Құран Кәрімді жатқа оқудан қыздар арасында V республикалық байқауға жолдама алады:
Үміткер қыздардан талап етілетін құжаттар:
– анкета (бекітілген үлгі бойынша);
– жеке куәлік (паспорт) көшірмесі;
Ұйымдастырушылар:
Қазақстан мұсылмандары діни басқармасы;
ҚМДБ Алматы қаласы бойынша өкілдігі;
Қосымша сұрақтар үшін: 8 705 911 51 00 Жансая ұстаз
Қызықты тақырыптар
Намаз уақыттары 
.jpg)
