Бас Мүфти бас жүлде иегеріне көліктің кілтін табыстады
Бүгін Алматыдағы «Алатау» дәстүрлі өнер театрында Қазақстан мұсылмандары діни басқармасы ұйымдастырған VІІ республикалық Құран жарысының қорытынды рухани кеші өтті.
Дін жанашырлары мен демеушілерінің қаржылай қолдауымен өткен жүлде қоры 17 млн. теңгені құрайтын сайысқа республика бойынша 500-ден астам жас қарилар қатысты. Олар төрт бағыт бойынша бақ сынасты: Құранның 10 парасын жатқа оқу, Құранды мәнерлеп оқу, 20 пара Құранды жатқа айту және қасиетті кітапты толық (30 пара) жатқа оқу.
Игі іс-шарада сөз алған Бас мүфти Серікбай қажы Сатыбалдыұлы:
«Құран оқылған, оған амал етілген үйде, жерде, елде тыныштық орнайды, Алланың берекеті болады. Бұдан түйетін ой – Құрансыз өмірдің мәні де сәні де жоқ. Пайғамбарымыздың (с.ғ.с.) хадисінде: «Үйлеріңізде Құран Кәрімді көп оқыңыздар. Себебі Құран оқылмаған үйде жақсылық, береке аз болады. Ондай үй-іші әрдайым қиыншылықта болады. Яғни, ондай үйде тыныштық болмайды», – деген. Қарайған жүректерге нұр беруші – Құран ғана», – деп жиналған жамағатты жақсылыққа, ізгілікке шақырып, әділ қазы мүшелеріне алғысын жеткізді.
Кеште сөз алған белгілі жазушы Смағұл Елубай мен Алматы қаласы әкімінің кеңесшісі Мамай Ахет жарысқа қатысқан қариларды құттықтап, ізгі тілегін жеткізді.
Рухани кеште белгілі сазгер Жәкен Омаров арнауын орындап берді. Сондай-ақ, рухани ән-күй шырқалып, Құранның хикметтері жайлы бейнеролик халық назарына ұсынылды.
4 бағыт бойынша марапатқа ие болған қарилардың тізімі мынадай:
30 пара Құранды толық жатқа оқу бойынша:
Бас жүлде – Нағманов Нағим Серкұлы (Маңғыстау) – Автокөлік
ІІ орын - Хакимов Фазлидин Абдихужаұлы (Астана) – 2 млн. тг
ІІІ орын - Жахсылыков Еркебұлан Сержанұлы (Жамбыл) – 1,5 млн. тг
20 пара Құранды жатқа оқу бойынша:
І орын - Хокимов Махмадрахим (СҚО) – 1,5 млн. тг
ІІ орын - Сатешов Сақи Мұхтарұлы (Маңғыстау) – 1 млн. 250 мың тг.
ІІІ орын - Қартбаев Саламат Алашұлы (Ақтөбе) – 1 млн. тг.
10 пара Құранды жатқа оқу бойынша:
І орын - Кенешбай Қуаныш Нұрланұлы (Алматы өңірі) – 1 млн. тг.
ІІ орын - Сейтқасым Ерқанат Серікұлы (Астана) – 750 мың тг.
ІІІ орын - Мыңжасов Арыстан Қожамбетұлы (Маңғыстау) – 500 мың тг.
Құранды мәнерлеп оқу бойынша:
І орын - Турдақынұлы Такен (Ақмола) – 500 мың тг.
ІІ орын - Битенов Ерлан Базарбайұлы (Астана) – 300 мың тг.
ІІІ орын - Бектұрғанов Баубек Бердіғалиұлы (Алматы) – 150 мың тг.
Сонымен қатар, әрбір өңірлерден келіп қатысқан жүлделі орындарға ие бола алмаған қариларға арнайы Алғыс хат пен 50 мың теңге көлемінде қаржылай сыйлықтар табысталды.
Алла Тағала қариларымыздың екі дүниеде де абыройларын арттырғай.
Алматы қаласы Орталық мешітінің Баспасөз қызметі
Новости по теме
Бас мүфти Наурызбай қажы Тағанұлының бастамасымен Алматы Орталық мешітінде қасиетті қадір түні қарсаңында биыл екінші жыл «Рамазан нұр шашқан ай» мешіттерді рамазан айына безендіру бойынша байқаудың жеңімпаздары анықталды....
Алматы Орталық мешітінің ұйымдастыруымен Жарапазан жырының жаңа мәтінін жазу байқауының қорытындысы бойынша жеңімпаз үш мәтінді назарларыңызға ұсынамыз.
Алматы қаласының бас имамы Төлеби Оспан Жарапазан мәтіні бойынша жарияланған байқау нәтижесін қорытындылап, жеңімпазды марапаттады.
Бас мүфти Наурызбай қажы Тағанұлы ел аумағында қасиетті Рамазан айын жоғары деңгейде атап өтуге қатысты арнайы жоспар бекітті. Сол шаралардың бірі – мешіттерді ораза айында безендіру, тиянақты түрде тазалық жұмыстарын жүргізу....
Нұр-Мүбарак мешітінде “Ғажап Рамазан 2025” байқауының жеңімпаздары марапатталды.
Қазақ жазба әдебиетінің негізін қалаушы, ұлы ақын, ғұлама-ойшыл Абай Құнанбайұлының 180, Алаш қозғалысының 120 жылдығы және Қазақстан мұсылмандары діни басқармасының 35 жылдық мерейтойына орай республикалық «Иман» журналы мен «Мұнара» газеті оқырмандар арасында «Абай. Алаш. Асыл дін» тақырыбында шығ...
Интересные материалы
Бүгін Алматы қаласы Орталық мешітінде Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлы хазреттің бастамасымен ұйымдастырылған Құран Кәрімді жатқа және мәнерлеп оқудан VІІ республикалық Құран жарысы басталды....
Ертең сәуірдің 25-і күні Қазақстан мұсылмандары діни басқармысының төрағасы, Бас мүфти Серікбай қажы Сатыбалдыұлы хазреттің бастамасымен Құран Кәрімді жатқа және мәнерлеп оқудан VІІ республикалық Құран байқауы Алматы қаласы Орталық мешітінде өткізіледі. Басталуы сағат: 9:00-де. Үміткерлер Құран жары...
Көктем шығысымен қаланың өңін қалпына келтіретін дәстүрлі сенбіліктер жалғасын тауып келеді. Бұл жолғы сенбілікте тазалық жұмыстарымен қатар, орта мектептер, қарттар үйі, жеке үй аулалары сияқты жерлерде Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлы хазретт...
Отбасы – адам үшін ең жақын әлеуметтік орта. Отбасы – белгілі дәстүрлердің, жағымды өнегелердің, мұралар мен салт-дәстүрлердің сақтаушысы. “Әйел бір қолымен бесікті тербетсе, екінші қолымен әлемді тербетеді” , “Қыз тәрбиесі – ұлт тәрбиесі”, – деп халқымыз әйел адамның мойнындағы жауапкершіліктің маң...
Бүгін Алматы қаласы Орталық мешітінің Бас имамы Еркінбек қари Керімбекұлының бастамасымен журналистер қауымымен дөңгелек үстел өтті.
Бүгін Алматы қаласында Қазақстан мұсылмандары діни басқармасы Ғұламалар кеңесінің кезекті мәжілісі басталды. Мәжіліске Бас мүфти Серікбай қажы Ораз, Ғұламалар кеңесінің мүшелері, теолог-ғалымдар қатысуда....
Время намаза 
