«РАМАЗАН НҰР ШАШҚАН АЙ» ҮЗДІК БЕЗЕНДІРУ БАЙҚАУЫ
Бас мүфти Наурызбай қажы Тағанұлы ел аумағында қасиетті Рамазан айын жоғары деңгейде атап өтуге қатысты арнайы жоспар бекітті. Сол шаралардың бірі – мешіттерді ораза айында безендіру, тиянақты түрде тазалық жұмыстарын жүргізу.
Осыған орай, Алматы қаласы бойынша өкілдігі 2-ші рет қала мешіттерінің арасында «Рамазан нұр шашқан ай» атты ораза айында үздік безендіру байқауын жариялайды. Жеңімпаз мешіттер қаржылай сыйлықтармен марапатталатын болады.
Байқаудың мақсаты – қасиетті айдың сән-салтанатын арттыру, қала тұрғындарына мерекелік көңіл-күй сыйлау және оразаның құндылығын насихаттау.
Байқау шарттары:
- Қасиетті Рамазан айында мешіт аулаларын безендіру;
- Безендіру жұмыстарында қазақи нақышты қолдану;
- Мешіттің ішкі-сыртқы және дәретханасының тазалығын қамтамасыз ету;
- Мешітте оразаға қатысты ақпараттардың болуы;
- Ауызашар беретін орындарды безендіру;
- Сапалы түсірілген суреттерді +7 747 554 35 58 телеграм желісіне жіберу керек;
- Байқауға Алматы қаласында орналасқан мешіттер ғана қатыса алады.
Ескерту: Байқауға қатысатын мешіт безендіру жұмыстарын видеоға түсіріп, мешіттің инстаграм парақшасына Azan.news ресми парақшасын белгілеп салады. Ай соңында оқырмандардың дауыс беруі арқылы жеңімпаз мешіт анықталатын болады.
Алматы қаласындағы барша мешіт имамдарына қасиетті айдағы іс-шараларды ұйымдастыруда белсенділік танытып, байқауға қатысуға шақырамыз. Келе жатқан қасиетті Рамазан айы құтты болсын!
Толығырақ ақпарат алу үшін: +7 747 554 35 58.
Алматы Орталық мешітінің
баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
