Алматы қаласының Бас имамы журналистермен жүздесті
Бүгін Алматы қаласы Орталық мешітінің Бас имамы Еркінбек қари Керімбекұлының бастамасымен журналистер қауымымен дөңгелек үстел өтті. Басқосуға ҚМДБ-ның баспасөз хатшысы Ағабек Қонарбайұлы, ҚДМБ-ның ғаламтормен жұмыс бөлімінің меңгерушісі Мұрат Манапұлы, «Нұр-Мүбарак» университетінің оқытушысы Бауыржан Әлиұлы, Алматы Орталық мешітінің наиб имамы Ерсін Әміреұлы, «Zakon.kz» сайтының редакторы Торғын Нұрсейітова, «Жас қазақ» газеті бас редакторының орынбасары Елдос Өмірзақ, «Астана» телеарнасының Алматы қаласы бойынша бюро жетекшісі Ришат Асқарбекұлы, «Айқын» газетінің тілшісі Қайыржан Төрежан, «Tengrinews.kz» сайтының тілшісі Айдос Қосыбай, «Nur.kz» сайтының тілшісі Жұлдызай Омархан, «Алматы ақшамы» газетінің тілшісі Әсел Дағжан, «Евразия» телеарнасының тілшісі Ерлан Тәліпбай секілді журналистер қатысты.
Кездесу барысында сөз алған Алматы қаласы Орталық мешітінің Бас имамы Еркінбек қари Шоқай журналистерді дәстүрлі дінді дәріптеуде бірлесе қызмет атқаруға шақырды. Сонымен қатар, діни бағытта қалам тербеп жүрген журналистердің арнайы пулын жасақтауды ұсынды. Бас имамның бұл ұсынысы журналистер тарапынан қолдау тапты. Сондай-ақ, кездесуде Алматы қаласының алдағы уақытта атқарылатын игілікті іс-шаралары туралы әңгіме қозғалды. Және сәуір айының 25-ші жұлдызында өткізілетін VІІ Республикалық Құран Кәрімді жатқа және мәнерлеп оқу жарысы туралы да айтылып, әділ қазылар алқасы, жүлде қоры туралы ақпараттар берілді. Дөңгелек үстел басындағы емін-еркін сұхбат барысында журналистер тарапынан қойылған сауалдарға Еркінбек қари Керімбекұлы, Ерсін Әміре, Бауыржан Әлиұлы ұстаздар жан-жақты тұщымды жауап берді. Сонымен қатар, қоғамдағы жат ағым өкілдерімен жұмыс істеу мәселелері мен діни ақпараттарды дер кезінде тарату мәселелері де тілге тиек етілді. Кездесуден кейін журналистер пулының әр тоқсан сайын жүйелі түрдегі жүздесуін жасау, қоғамда туындаған мәселелерге қатысты ортақ үн қатып, діни ақпараттарды уақытылы БАҚ беттерінде жариялау туралы уағдаластық жасалды.
Кездесу соңында арнайы жайылған дастархан басында басқосып, ел мен дін мүддесі жолында бірлесе қызмет атқару ұсыныстары айтылып, бір ауыздан қолданды.
Тақырып бойынша жаңалықтар
Қадірменді қауым! Баршаңызды мұсылман үмбетінің ұлық мейрамы – Ораза айтпен шын жүректен құттықтаймын. Қасиетті жұма күнімен қатар келген айт мейрамы құтты-берекелі болғай! Біздің халқымыз рамазан айын ежелден ерекше қастерлеп: «Он екі айдың сұлтаны», – деп қадірлеген. Ал мереке күндері ағайын-жұрт ...
Қадірлі жамағат! Баршаңызға қасиетті Қадір кеші мүбәрак болсын! Алла Тағала Хақ Елшісіне (Алланың оған салауаты мен сәлемі болсын): «Қадір түні мың айдан да қайырлы» (Қадір, 2-3) – деген аятты нәзіл етіп, мұсылман үмбетін теңдессіз қуанышпен сүйіншілеген. Әлбетте, бұл – Алла Тағаланың мұсылма...
Алматы қаласына арнайы іс-сапармен келген ҚМДБ-ның шариғат және пәтуа бөлімінің меңгерушісі қызметін атқарушы Сансызбай Құрбанұлы «Тагүл-3» мешітінің жамағатына уағыз айтып, тарауих намазына қатысты....
Кеше Қазақстан мұсылмандары діни басқармасының төрағасы, Бас мүфти Серікбай қажы Ораз хазрет ардагерлер үйіне арнайы зиярат жасап, ауызашар дастарханын жайды. Бас мүфти хазретті ардагерлер үйінің директоры Раиса Мұсабекқызы күтіп алып, қарттарға жасалып отырған барлық жұмыстарымен таныстырды....
Бүгін Қазақстан мұсылмандары діни басқармасының төрағасы, Бас мүфти Серікбай қажы Ораз хазреттің тапсырмасымен Алматы қаласы Орталық мешітінде «31 мамыр – саяси қуғын-сүргін және ашаршылық құрбандарын еске алу күніне» орай Құран оқылып, құрбан шалынды....
Өткен Жұма күні Қазақстан мұсылмандары діни басқармасының төраға орынбасары, наиб мүфти Алау Әділбаев Шайқымұлы Алматы қаласы Орталық мешітінің жамағатымен жүздесіп, тарауық намазы алдында тағылымды насихат айтты. ...
Қызықты тақырыптар
Бүгін Алматы қаласында Қазақстан мұсылмандары діни басқармасы Ғұламалар кеңесінің кезекті мәжілісі басталды. Мәжіліске Бас мүфти Серікбай қажы Ораз, Ғұламалар кеңесінің мүшелері, теолог-ғалымдар қатысуда....
Бүгін Алматы қаласында Бас мүфти Серікбай қажы Ораздың төрағалығымен қасиетті Рамазан айы қарсаңында Төралқа мәжілісі басталды. Мәжіліске Қазақстан мұсылмандары діни басқармасының төраға орынбасарлары, бөлім меңгерушілері, облыстың бас имамдары қатысуда....
Алматы қаласының Бас имамы Еркінбек қари Шоқай Медеу ауданындағы «Әл-Хамид» мешітіне арнайы ат басын бұрып, жамағатпен жүздесті. Мешіттің ішкі-сыртқы жұмыстарымен танысып, мешіт қызметкерлеріне біршама тапсырмаларын берді....
Қасиетті Ережеп айының құрметіне Алматы Орталық мешітінің Бас имамы Еркінбек қари Керімбекұлының бастамасымен 200-ден астам жамағаттарға арнап ауызашар ұйымдастырды. Дастархан басындағы рухани кездесуде Бас имам Еркінбек қажы Шоқай жиналған жамағаттарға «Миғраж оқиғасының ғибраттары» туралы насихат ...
Қазақстан мұсылмандары діни басқармасы және Алматы Орталық мешітінің ұйымдастыруымен Құран Кәрімді жатқа және мәнерлеп оқудан VІІ республикалық Құран байқауына Алматы қаласы бойынша үміткер қариларды анықтау үшін іріктеу сайысы өтті. Мешіттің іші қасиетті Құранды естуге келген көрермендерге лық толд...
Стратегиялық мақсаттарына сәйкес Компания бүгінгі таңда жаңа қаржы өнімдерін әзірлеуде. Бұл ретте Компания Шариғат қағидалары мен нормаларына сай келетін төлем картасын ұсынды. Төлем карталары Компания мен «Астан Банкі» АҚ-ң бірлескен өнімі болып табылады. ...
Намаз уақыттары 
.png)
