«БАҚАРА СҮРЕСІНДЕГІ ҮКІМ АЯТТАРЫ» АТТЫ САЙЫС ӨТТІ
Бостандық ауданы «Нұр-Мүбарак» мешітінде «Ислам және адал қоғам» жылы аясында тағылымы терең, мазмұны бай ерекше рухани сайыс өтті.
Ерлер және әйел жамағаты арасында «Бақара сүресіндегі үкім аяттары» атты бұл жарыс — қасиетті Құран Кәрім аяттарын тек жаттап қана қоймай, олардың мағынасын терең түсініп, өмірмен байланыстыра білуге үндеген игі бастама болды.
Елдің түкпір-түкпірінен жиналған 800-ге жуық үміткердің арасынан суырылып шыққан ең үздік 10 қатысушы ақтық кезеңде бақ сынап, өзара білім мен зерденің, сабыр мен ықыластың жарысын көрсетті. Сайыс шарты бойынша қатысушылар Бақара сүресі ішіндегі үкім аяттарын жатқа айтып қана қоймай, олардың тәпсірін терең әрі түсінікті жеткізе білді. Бұл — тек жаттаудың емес, жүрекпен ұғынудың көрінісі еді.
Сайыстың әділ бағасын беру жауапкершілігі білікті ұстаздардан құралған қазылар алқасына жүктелді. Атап айтқанда, Шежімбай Бағлани, Мансұр Инаятулла және Назар Сұлтанбай қатысушылардың білімін жан-жақты саралап, олардың әрбір жауабына терең мән берді. Ұстаздар әділдікті ту ете отырып, үміткерлерге түрлі сауалдар қойып, жауаптарын мұқият бағалап, нақты әрі әділ шешім шығара білді.
Сайыс қорытындысы бойынша үздіктер анықталып, жеңімпаздар лайықты марапатқа ие болды:
1-орын — Абдукаюмов Садраддин (300 000 тг)
2-орын — Айдараліев Жамбыл (200 000 тг)
3-орын — Тлеукабылов Ердәулет (100 000 тг)
Ал әйел жамағатына арналған сайыста еліміздің әр өңірінен қатысқан үміткерлер арасынан іріктелген 10 қатысушы ақтық кезеңде өз білімдерін ортаға салды. Қатысушылар Бақара сүресі үкім аяттарын жатқа айтып, тәпсірімен жеткізу арқылы жоғары дайындықтарын көрсетті.
Әйел жамағатана сайысты бағалаған әділқазылар алқасы да білікті ұстаздардан құралды
* Жанат Алдияр
* Гүлмира Ілесбайқызы
* Айнұр Жарқынбекқызы
Олар қатысушылардың білімін саралап, әділ бағасын берді.
Нәтижесінде:
1-орын — Амангелді Арайлым (300 000 тг)
2-орын — Менелбек Ханифа (200 000 тг)
3-орын — Махамбетқызы Фатима (100 000 тг)
Өзге қатысушылар да ынталандыру сыйлықтарымен марапатталды.
Ал өзге қатысушылардың да еңбегі елеусіз қалмай, оларға ынталандыру ретінде құнды кітаптар табысталды.
Бұл сайыс — білім мен тақуалықтың, ықылас пен ізденістің тоғысқан көрінісі болды. Қатысушылар үшін бұл тек жарыс емес, Ислам ілімі жолындағы тағы бір маңызды белеске айналды.
Тақырып бойынша жаңалықтар
Қызықты тақырыптар
Намаз уақыттары 
.jpg)
