ШӘКІРТТЕР АРАСЫНДА ИНТЕЛЛЕКТУАЛДЫ БІЛІМ САЙЫСЫ ӨТТІ
Нұр-Мүбарак оқу-әдістемелік мешітінде екі ай бойы жүргізілген ақида, тәпсір және әдеп пәндері бойынша сауат ашу курсы өз мәресіне жетті. Осы уақыт аралығында шәкірттер діни білімдерін жетілдіріп, имани әрі рухани танымдарын кеңейтті.
Курс қорытындысы ретінде мешіт шәкірттері арасында интеллектуалдық білім сайысы ұйымдастырылды. Сайыстың мақсаты – екі ай бойы алынған білімді саралап, шәкірттердің ізденісі мен дайындық деңгейін анықтау болды. Байқауға қатысушылар бес топқа бөлініп, өзара білім бәйгесінде бақ сынады. Ал әділқазылар алқасының құрамында осы курста дәріс берген ұстаздар қызмет атқарып, қатысушылардың жауаптарын әділ бағалады. Тартысты да тағылымды өткен сайыс шәкірттердің білімге деген ынтасын арттырып қана қоймай, бауырмалдық пен ұйымшылдықтың жарқын көрінісіне айналды. «Білімді мыңды жығар» деген нақылдың мәнін тағы бір мәрте айқындаған бұл кеш барлық қатысушылар үшін ерекше әсер мен пайдалы тәжірибе сыйлады.
Тақырып бойынша жаңалықтар
Қызықты тақырыптар
Намаз уақыттары 
.jpg)
