ҚҰРБАН АЙТ МЕРЕКЕСІ ҚҰТТЫ БОЛСЫН!
Күллі мұсылман баласы асыға күткен қасиетті Құрбан айт мерекесі құтты болсын!
Бұл сан ғасырлар бойы мейірім мен шапағаттың, ізгілік пен жомарттықтың қазығындай қоғамның рухани-адамгершілік негізін нығайтуға ықпал етіп келе жатқан ұлық мейрам. Алла Тағала Кәусар сүресінде: «Раббың үшін намаз оқы, құрбан шал!» – деп бұйырған. Хадисте: «Адам баласы құрбан айт күні (құрбан шалып) қан шығарудан абзал басқа құлшылықпен Алла Тағалаға жақындаған емес. Қаны шыққан мал қиямет күні мүйіздері, тұяқтары және жүндерімен келеді. Малдың қаны жерге тамбай жатып, Алла Тағаланың құзырында үлкен мақамға жетеді. Ендеше, құрбандарыңды көңіл ризашылығымен шалыңдар», - деген. Құрбан айт жүрегіңізге жарқын үміт ұялатып, ертеңгі күнге деген сеніміңізді нығайта түссін.
Ардақты ағайын! Алла Тағала құлшылықтарыңызды қабыл етіп, мақсат-мұраттарыңызды асыл еткей. Қасиетті орындарда қажылық парыздарын өтеу үшін жолға шыққан бауырларымызға дін аман елге оралуды жазсын.
Алла Тағала күллі мұсылман үмметін жарылқап, асыл дініміз исламға күш-қуат бергей! Денсаулық, отбасыңызға амандық, береке-бірлік, мол бақыт, бейбіт өмір тілеймін! Құрбан айт мерекесі құтты болып, шалған құрбандықтарыңыз қабыл болғай! Әмин!
Құрметпен,
Алматы қаласының бас имамы
Төлеби Оспан
 Предыдущий |
Следующий |
| Шарапаты мол шағбан айы | ҚҰРБАН АЙТ ҚҰТТЫ БОЛСЫН! |
Тақырып аясындағы мақалалар
Қызықты тақырыптар
Намаз уақыттары 
