ДӘРЕТСІЗ ЕМІЗІЛГЕН СҮТ
"Мухаммедия" кітабының жазушысы Мұхаммед Языжының Ахмед Бижан деп танылған бауыры бар.
Ахмед Бижан, бір күні мешітте уағыз айтып отырғанында ағасы Мұхаммед мешіттен ішке кіріп, інісінің сұхбатын тыңдау үшін отырады. Бауыры ағасының мешітке келгендігін байқаған болатын. Бірақ сәлден кейін ағасының күлімдеп шығып кеткенін көреді. Мінберде насихат айтып отырған хазреті Ахмед Бижан ағасының мұнысын еш түсіне алмайды, кешке үйге келген кезде болған оқиғаны анасына айтып, жағдайды анықтауын сұрайды.
Анасы үлкен ұлы Мұхаммед үйге келген кезде, "Балам, бауырың мешіттен неліктен күлімдеп шыққаныңды сұрап жатыр, бір қателік істеп қойдым ба деп уайымдап жатыр. Ініңнің уағызынан неге күлімдеп шықтың ?" деп сұрайды. Хазреті Мұхаммед : "Анашым, мен бауырымның айтқан уағызына күлген жоқпын. Мен, бір адам баласының сұхбатын тыңдауға қаншама көп періште келгендігіне, отыратын орын таппай, бір - бірінің үстіне отырып жатқандығына және олардың жағдайы қатты ұнағандықтан күлімдедім. Періштелерге мешітте отыратын жер қалмағаны үшін шығып кеттім"- дейді.
Анасы ұлының бұл сөздерін айтып бергенінде Ахмед Бижан мұңайып, "Анашым, ағам періштелерді көре алады, ал мен неге көре алмаймын ? Осыны одан бір сұрайсыз ба ?" дейді. Анасы үлкен ұлынан сұрағанда: "Анашым, бұл нұқсандықты сіз өзіңізден іздеуіңіз керек, сіз менен де жақсы білесіз ғой"- деді.
Анасы ұзақ уақыт бойы ойға шомып, бұның себебін былайша айтып берді : Ұлым, саған ешқашан дәретсіз сүт емізбедім. Ал Ахмед әлі жалаяқта кезінде, мен намазда тұрған едім, Ахмед қатты жылай бастағанында, сол кезде үйімізде болған көрші әйел жылағанын тоқтатайын деп Ахмедті қолына алып емізе бастаған еді. Мен намаздан кейін бірден оны қолыма алдым, бірақ біраз емген екен. Кейін, ол әйелден дәреті бар - жоғын сұрасам, дәретсіз екендігін айтты. Оның періштелерді көрмеуінің себебі осы болса керек."
Сіз не дейсіз, тақуа оқырман, көрегенім?
Дереккөз: Айгүл Елшібаеваның фейзбук парақшасынан алынды
 Предыдущий |
Следующий |
| ҚАЗАҚ ЖЫРАУЛАРЫ ШЫҒАРМАШЫЛЫҒЫНДАҒЫ ШАРИҒАТ | ӘСКЕРИ БОРЫШТЫ ӨТЕУДІҢ ҮКІМІ ҚАНДАЙ? |
Қызықты тақырыптар
Намаз уақыттары 
