ҰЛТ ҰСТАЗЫНЫҢ ҮЙІНЕ ҚАРЖЫЛАЙ КӨМЕК КӨРСЕТІЛДІ
Бостандық ауданы «Бақыткелді» мешітінің ұйымдастыруымен ұлт ұстазы Ахмет Байтұрсынұлының музей-үйіне 270 000 теңге қаржылай көмек көрсетілді.
ҚМДБ Алматы өкілдігінің ұйымдастыруымен қала мешіттерінде өткізіліп жатқан «Имани жаз-2023» діни сауат ашу курсын «Бақыткелді» мешітінде оқып жүрген шәкірт қыздар ұлт ұстазы Ахмет Байтұрсынұлының мұражай-үйін зиярат етті. Ұлт мәселесі талқыға түскен заманда елді қалай болмасын біртұтас қылуды мақсат еткен Алаштықтардың есімі еске оралғанда, Ахмет атамызға соқпай кету – үлкен сын. Бар ғұмырын халық жолына арнаған Ахмет Байтұрсынұлы халықтың тілі мен өзіндік мәдениеті қалыптасқанда ғана елдің ертеңі жарқын боларына үлкен сенім білдірді. Ұлт болмысын сақтап қалу үшін әрбір салаға өлшеусіз үлес қосты.
Алматы қаласындағы А.Байтұрсынов пен Жамбыл көшелерінің қиылысында орналасқан мұражай үйінде Байтұрсынов өміріне байланысты мұрағаттық материалдар, түрлі құжаттар, қолжазба мұралары, фотосуреттер мен сирек кездесетін кітаптар сақталған. Имани жаз шәкірттері көптеген құнды жәдігерлермен танысып, Алаш арысы ғұмырымен танысты. Бүгінде кейбір кітаптар мен мұрағаттық заттар қоюға сөрелер жетіспеушілігі туындағанын жеткізген мұражай қызметкерлеріне «Бақыткелді» мешіті мен «Парасат» аналар ұйымының атынан 270 000 теңге қаржылай көмек көрсетілді. Алла мол сауаптан жазсын!
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
