ОРТАЛЫҚ МЕШІТТЕ САУАТ АШУ КУРСТАРЫ БАСТАЛДЫ
Бүгін Алматы Орталық мешітінде ҚМДБ бастамасымен «ИМАНИ ЖАЗ - 2023» жазғы сауат ашу курстары салтанатты түрде ашылды.
Игі шараға қаланың бас имамы Төлеби Дәділұлы қатысып, жазғы демалыс уақытында діни білім алуға ниеттенген балаларға сәттілік тіледі. Орталық мешіттің бас ұстазы Талғат Дайрабайұлы мен ұстаз Баубек қари Бердіғалиұлы балаларды жас ерекшеліктеріне қарай топтарға бөліп, дәріс кестелерімен таныстырды. Ұл балаларға Орталық мешіт ұстаздары, ал қыздарға ҚМДБ Әйел-қыздар секторының ұстаздары мен іс-тәжірибеден өтуші студенттері білім береді. Діни сауат ашу курсында имандылық әліппесі, Құран әліппесі, Мұсылманның 40 парызы бойынша дәрістер өткізіліп, рухани азық болар сабақтар мен ойын-сауық уақыттары да қарастырылған. Балаларға тәтті балмұздақтар таратылып, пайдалы ілім алуларына дұға жасалды. Аталмыш пәндер бойынша алғашқы дәрістер де басталып кетті.
Сондай-ақ қала мешіттерінде де балаларға арналған «Имани жаз - 2023» жобасы бойынша тегін жазғы діни сауат ашу курстары басталып жатыр.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
