СТУДЕНТ ҚЫЗДАРҒА БІЛІМ СЕМИНАРЫ ӨТТІ
ҚМДБ «Әйел-қыздар» секторы Алматы қаласы бойынша ұстаздары «Таугүл-3» мешіті жанынан ашылған «Айқұрбым» ұлттық рухани даму клубында студент қыздарға арнап білім алудың маңызы, білім жолында керекті кеңестер жайында семинар ұйымдастырды.
Шараның шымылдығын ашқан «Таугүл-3» мешітінің бас имамы Ернар Мәжен жиналған 100-ге жуық қыз-келіншектерге «Алып - анадан туады» тақырыбында сөз қозғап, тарихта өткен ұлылардың аналарымен таныстырды. Сондай-ақ, қыз баласының білім алуы бір тұлғаның ғана емес, тұтас қоғамның өзгеруіне әсер ететін маңызды міндет екенін атап өтті.
Семинардың келесі спикері - Нұр Мүбарак университетінің ұстазы Нұржан Смағұл. “Білім алудағы маңызды 3 қадамды” таныстырып, қыздардың білім алуға ықыласын арттырды. Семинар соңында сұрақтарға жауап беріп, кеңестерімен бөлісті.
«Таугүл-3» мешітінің ұстазы Назерке Әбдіраш шараны қорытындылап, жиналған қауымды жақында басталатын мешіттегі Діни сауат ашу курсына шақырды. Қоғамды түзетуге бағытталған игі шараның қызметінде болған барша жанға алғысын жеткізді.
Новости по теме
Интересные материалы
Время намаза 
