«ДІН МЕН ДӘСТҮР» КІТАБЫНАН САЙЫС ӨТТІ
Алматы қаласы, Алатау ауданы Дархан мешітінің ұйымдастыруымен «Дін мен Дәстүр” кітабынан медресе шәкірттері арасында сайыс өтті.
ҚМДБ Төрағасы, Бас мүфти Наурызбай қажы Тағанұлының бастамасымен «Бір айда бір кітап» жобасы аясында өткізілген сайыста жуырда жарық көрген «Дін мен дәстүр» ІІІ кітабы таныстырылды. Медресе шәкірттері арасында дін мен дәстүрді дәріптейтін, әдебиетке деген қызығушылықты арттыратын, білім мен шығармашылық қабілетті дамытатын интеллектуалдық сайыс өтті.
Сайыс ережеге сай бірнеше кезеңді құрады. Шәкірттер арасында оқыған кітаптарды талқылау, сұрақ-жауап түріндегі викториналарға жауап беру және шығармашылық жұмыстарды қорғау кезеңдерінен оқ бойы озық болған жеңімпаздар анықталып, олар түрлі марапаттармен, арнайы сыйлықтармен ынталандырылды.
Шараны ұйымдастырушы «Дархан» мешітінің Бас имамы Айдос Шарапатбекұлы дін мен дәстүрдің маңыздылығы жайында қысқаша насихат айтты. Сонымен қатар, қатысушыларға кітап сайысының мақсаты мәдениетті, білімді және белсенді қоғам қалыптастырудың маңызды құралы болып табылатынын жеткізді.
Алматы өкілдігі бойынша баспасөз қызметі
Новости по теме
Интересные материалы
Время намаза 
