«ШАҒБАН - РАМАЗАНҒА РУХАНИ ДАЙЫНДЫҚ» ЖАЙЛЫ КЕЗДЕСУ ӨТТІ
Нұр-Мүбарак мешітінде қасиетті Рамазан айына дайындық аясында жамағатқа арналған рухани кездесу өтті.
«Шағбан – Рамазанға рухани дайындық айы» тақырыбында ұйымдастырылған бұл басқосу жүректерге ой салып, иманды серпілтті. Кездесу барысында Жакуден Әбіш ұстаз жамағатқа Шағбан айының мән-маңызы жайлы кеңінен тоқталып, Пайғамбарымыз (оған Алланың салауаты мен сәлемі болсын) бұл айды қалай өткізгені, Рамазан айына рухани әрі амалдық тұрғыдан қалай дайындалу керектігі жөнінде тағылымды насихат айтты. Сондай-ақ, Шағбан айындағы қасиетті Бәраат түнінің артықшылықтары, бұл түнде орындалатын құлшылықтар мен дұға-тілектің маңызы жайлы құнды мәліметтермен бөлісті.
Шағбан айында нәпсіні тәрбиелеу, жүректі тазарту, құлшылыққа бой үйрету арқылы Рамазанға дайындық жасауға болатынын жеткізді. Жамағатты ықылас пен тұрақтылыққа шақырды.
Рухани кездесу жамағатқа ерекше әсер қалдырып, алдағы Рамазан айын саналы түрде қарсы алуға үлкен жігер берді.
Тақырып бойынша жаңалықтар
Қызықты тақырыптар
Намаз уақыттары 
.jpg)
