«ҚЫЗ - ҰЛТТЫҢ КӨРКІ,ҰРПАҚТЫҢ АЙНАСЫ» АТТЫ ІС-ШАРА ӨТТІ
«А.Құнанбайұлы» мешітінің жанында ашылған әйел - қыздарға арналған «Дін мен дәстүр» орталығында «Қыз – ұлттың көркі, ұрпақтың айнасы» атты тағылымдық іс-шара өтті.
Шараны ұйымдастырушы «Д.Қонаев» мешітінің ұстазы Ғалия Әділханқызы. Негізігі мақсаты қыз балалардың тәрбиесіндегі ұлттық құндылықтарды дәріптеу, олардың бойына әдептілік, инабаттылық пен жауапкершілік қасиеттерін дарыту болды.
Іс-шара барысында қыз тәрбиесіне қатысты халқымыздың бай мұралары, соның ішінде «Қырық үйден тыйым» қағидасының мәні кеңінен түсіндірілді. Қазақ қызының тәрбиесіне тек анасы ғана емес, әжесі мен жеңгесінің де үлес қосқаны айтылды. Ұрпақтан-ұрпаққа жалғасып келе жатқан осы дәстүр қыз баланың мінез-құлқы мен жүріс-тұрысына, сөйлеу әдебіне ерекше назар аударуға бағытталғаны атап өтілді.
Кеш қонағы, «Әл-Мадина» мешітінің ұстазы Айнұр Шаймерденқызы қыз баланың болашақ ана, ұлттың ары мен ұяты екендігіне тоқталып, қазіргі қоғамда да қыз тәрбиесінің өзектілігі жойылмағанын айтса, «А.Құнанбайұлы» мешітінің ұстазы Шахризат Әтбайқызы «Кімде-кімнің үш қызы болып, оларды жақсы тәрбиелесе, үйлендірсе, оларға мейірімін төгіп, әкелік қамқорлығын жасаса – ол үшін Жәннат болады» (Әбу Дәуд, Тирмизи риуаят еткен), - деген хадисті келтіре отырып аналарға өз насихатын айтты. Әжелер мен аналардың өнегелі әңгімелері, ұстаздар мен қонақтардың жүрекжарды пікірлері жас ұрпаққа үлкен ой салды.
Іс-шара соңында «Дін мен дәстүр» орталығының жетекшісі, Алматы қаласы бойынша әжелер мектебінің мүшесі Хапузат Ысқаққызы қыз тәрбиесіне атсалысу – тек отбасының ғана емес, бүкіл қоғамның ортақ міндеті екендігін ерекше атап өтті. Қыздың тәрбиелі, ибалы, инабатты болып өсуі – ұлттың жарқын болашағының кепілі екені тағы бір мәрте дәлелденді.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
