МЕКТЕПКЕ ЖОЛ: АЛМАТЫДА 1000 БАЛАҒА ОҚУ ЖАБДЫҚТАРЫ ТАРАТЫЛДЫ
ҚМДБ «Зекет және қайырымдылық» қорының директоры Мақсатбек Қайырғалиев және Алматы қаласының бас имамы Төлеби Дәділұлы Орталық мешітте мектепке жол акциясы аясындағы қайырымдылық шарасына қатысты.
ҚМДБ бекіткен жыл сайынғы дәстүрлі мектепке жол акциясы аясында бүгін Алматы қаласы бойынша бір мезетте бірқатар мешіттерде «ЖАҢА ОҚУ ЖЫЛЫНА - ЖАҢА ЖАБДЫҚТАР» қайырымдылық шарасы өтті. Аталмыш игі шараны Алматы өкілдігіне қарасты «Зекет және қайырымдылық» қоры ұйымдастырып, сегіз аудандық мешіттерде 100 ден 300 балаға дейін, нақтырақ айтқанда қала бойынша 1000 мектеп оқушыларына жаңа жабдықтар салынған сөмкелер табысталды. Орталық мешітте 200-ден аса мектеп оқушыларына жаңа оқу жылына арналған мектеп сөмкелерін таратты. Іс-шарада көп балалы аналар және көмекке мұқтаж отбасылар қамтылған тізім бойынша үлестірді.
Бас мүфти Наурызбай қажы Тағанұлының ыстық сәлемін Алматы қаласының бас имамы Төлеби Оспан жиналған жұртшылыққа жеткізді. Өкіл имам бұл игі шараның алдағы уақытта да жалғасын табатындығын айта келе, шараға мұрындық болған жандарға алғысын айтты. «Жыл сайын мүфтият бастамасымен қолға алынатын бұл шараның басты мақсаты - көпбалалы отбасыларға әлеуметтік тұрғыдан қамқорлық көрсету. Осының нәтижесінде балалар жаңа оқу жылына даярлықпен баруына қолқабыс жасау болмақ», - деді бас имам.
Сауапты амалға демеушілік жасаған азаматтарға Алла разы болғай!
Алматы өкілдігі бойынша баспасөз қызметі
Интересные материалы
Время намаза 
