ҚАЖЫЛЫҚ ОРЫНДАРЫН КОНКУРСТЫҚ НЕГІЗДЕ БӨЛУ НӘТИЖЕСІ
Қазақстан мұсылмандары діни басқармасы (әрі қарай – ҚМДБ) 2026 жылғы қажылық маусымында қажыларымызға қолайлы жағдай жасау мақсатында қажылық орындарын бөлу үшін туроператорлар арасында ашық конкурс жариялады.
Қажылықпен айналысатын туроператорларды анықтау үшін қажылыққа қатысы жоқ ҚМДБ қызметкерлері мен қоғам қайраткерлерінен құралған арнайы комиссия құрамын ҚМДБ төрағасы бекітті. Туроператорларды таңдауда ашықтықты қамтамасыз ету мақсатында «Үміткер туроператорларға қажылық орындарын бөлу» туралы ҚМДБ ережесі қолданылды.
Конкурсқа 20 туркомпания құжат өткізді. Олардың мемлекеттік лицензияларының жарамдылығы «Туристік Қамқор» Корпоративтік қоры арқылы анықталды. Конкурс талаптарына сәйкес келетін 14 туроператор конкурсқа жіберілді. Қалған 6 туркомпания ішінде 1 туркомпанияның лицензиясы ҚР туристік қызметі туралы заңының 27-3-бабының 1-тармағына сәйкес келмеді. Сонымен қатар 2 туроператордың тәжрибесі 5 жылға толмағаны үшін, 3 туроператор конкурсқа қатысудың басты талаптарына сай келмеуі себебінен конкурсқа жіберілмеді.
Туроператорлардан келген өтініштер мен талап етілген құжаттар ортаға салынып, әрқайсысы мұқият қаралды. Комиссия мүшелері жоғарыдағы ережеге сүйене отырып туроператорларды балдық жүйемен бағалап қажылық орындарын бөлді.
Қолданыстағы «Діни туризм саласында туроператорлық қызметті жүзеге асыру қағидаларын» негізге алып 2026 жылғы қажылық маусымына қажылық орындары бөлінген туроператорлар тізімі уәкілетті органға таныстырылды.
Қажылық пен ұмра саласында жұмыс жасап жүрген туроператорлар конкурстан өткен ресми 14 туроператордың бірімен агенттік келісім-шарт негізінде жұмыс жасауына болатындығы хабарланады.
Тақырып бойынша жаңалықтар
Қызықты тақырыптар
Намаз уақыттары 
.jpg)
