«ҰЛТТЫҚ ТӘРБИЕ - ҰЛТ БОЛАШАҒЫНЫҢ ШАМШЫРАҒЫ» АТТЫ СЕМИНАР ӨТТІ
Алматы қаласы, Әуезов аудандық «Ақсай» мешітінде «Ұлттық тәрбие мен имани білім – ұлт болашағының шамшырағы» атты тағылымды семинар өтті.
Шараның негізгі спикері – «Таугүл-3» мешітінің бас имамы, исламтанушы, PhD доктор Ернар Мәжен әйел жамағатына дәріс өтті. Ол өз сөзінде ұлттық тәрбиенің бес тірегіне – тарих, тіл, жер, дін мен дәстүрге тоқталып, жиналған көпшілікке ойға азық болар терең мазмұнда тың деректер ұсынды.
Әсіресе әйел жамағатына бағытталған бұл кездесуде спикер әрбір ананың бойына осы құндылықтарды сіңірудің, оны жас ұрпаққа аманаттап жеткізудің маңызын ерекше атап өтті. Семинар соңында Ернар Мәжен ұлттық тәрбиенің түп қазығы – білім екенін баса айтып, білім мен тәрбиенің бір-бірін толықтырғанда ғана ұлт болашағының жарқын болатынын жеткізді. Ұлттық тәрбие – ұлттың рухани тұтастығын сақтап, келешек ұрпаққа бағыт-бағдар беретін асыл қазына. Осындай тағылымды шаралар арқылы қоғамда имандылық пен ізгілік, дәстүр мен білім құндылығы тереңдей түспек.
Қызықты тақырыптар
Намаз уақыттары 
.jpg)
.jpg)
.jpg)
.jpg)
