ОРТАЛЫҚ МЕШІТТЕ 6 000-НАН АСТАМ АДАМ ҚҰРБАН АЙТ НАМАЗЫН ОҚЫДЫ
Алматы Орталық мешітінде 6 000-нан астам қала тұрғындары Құрбан айт намазын оқып, жамағат жиыны мерекелік көңіл күйге ұласты.
Алматы қаласының бас имамы Төлеби Дәділұлы мұсылман жұртшылығын және қала тұрғындарын ұлық мереке - Қасиетті Құрбан айтпен құттықтады. «Құрбан айт – мәні терең, ғибраты мол мереке. Тек қана мал сою деген көзқараспен қарауға болмайды. Бұл бай азаматтардың көпбалалы және жағдайы төмен отбасыларға бауырмалдық етіп, жәрдемдесуі. Қоғамда мейірімділік және адамгершілік рухын жаю мерекесі», - деп атап өтті бас имам. Орталық мешіттегі құрбан айт намазына 6 000-нан астам жамағат жиналып, ұлық мерекеде құлшылық ғибаттарын жасады. Мүфтият жариялаған “Ислам және дәстүр құндылығы” жылына орай мешіт ауласында ұлттық ойындардан сайыстар ұйымдастырылып, жеңімпаздарға бағалы сыйлықтар табысталды. Сонымен қатар мешіт ақсақалдарына дастархан жайылып, айттық дәм ұсынылды. Айта кетсек, мерекелік көңіл-күй үш күнге ұласып, қала мешіттерінде түрлі іс-шаралар бағдарламасымен жалғасын таппақ.
Құрбан айт құтты болсын!
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
