«ІЗГІ ӘЙЕЛДЕР ІЗІМЕН» ИНТЕЛЛЕКТУАЛДЫ САЙЫС ӨТІ
Бостандық ауданы «Байкен» мешітінде шәкірт қыздардың арасында «Әйелдерге арналған 30 хадис» бойынша интеллектуалды жарыс өтті.
ҚМДБ «Әйел-қыздар секторы» Алматы өкілдігінің жұмыс жоспары аясында «Байкен» мешітінің ұстазы Анар Қантқызының ұйымдастыруымен өткен жарыс 4 кезеңнен тұрды.
1 кезең - Таныстыру
2 кезең - Бәйге. Тест сұрақтар
3 кезең - Ойлан тап. Ұяшықтар
4 кезең - Үй жұмысы. Көрініс
Өзара бақ сынасқан «Әз - Захра» және «Ән - Ниса» топтары арасындағы сайыс шарттары қызу да тартысты өтті.
Әділ-қазылар шешімімен жүлделі 1-орын - «Әз - Захра» тобының әрбір мүшесіне сұлулық салонына 10 000 теңгеден қаржылай сертификат ұсынылды. Ал 2-орын - 5 қызға мешіт атынан үлкен көлемдегі Құран табысталды.
Сонымен қатар, жарыс соңында мешітте әліппеден бастап Құранға түскен 70 қыз-келіншекке «Байкен» мешітінің бас имамы Болатбек Ұласқанұлы бағалы сыйлық және алғыс хатпен марапаттады.
Нәзік жандылар арасындағы интелллектуалды сайысқа төрелік еткен әділқазылар алқасы ҚМДБ «Әйел-қыздар секторы» Алматы өкілдігі бойынша жауапты маманы Гүлмира Ілесбайқызы, Алматы Орталық мешіті ұстазы Айтолқын Күлшікова, «Орбита - 3» мешіті ұстазы Айда Абдықайымова және «Нұрлытау» мешітінің ұстазы Балым Аманбек барша қатысушы әйел жамағатына алғыстарын білдірді.
Алматы өкілдігінің баспасөз қызметі
Новости по теме
Интересные материалы
Время намаза 
