БАС МҮФТИ АЛМАТЫДАҒЫ «БАЙКЕН» МЕШІТІНДЕ ЖҰМА НАМАЗЫН ЖҮРГІЗДІ
Бүгін Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Алматы қаласы, Бостандық ауданындағы «Байкен» мешітінде «Неке – салауатты өмір шарты» тақырыбында уағыз айтып, жұма намазын жүргізді.
«Асыл дінімізде адамзаттың пайдасы үшін баяндалған маңызды үкімдердің бірі – некелесу. Неке – ер мен әйел арасындағы Алла разылығы үшін құрылған, өзара махаббат пен мейірімге, сенім мен құрметке, сабыр мен жауапкершілікке негізделген келісім. Некелесу арқылы адам баласы өмірлік жұбымен бас қосып, ұрпағын жалғастырады.
Қасиетті Құранда Алла Тағала: «Сендердің өздеріңнен (өз болмыстарыңнан) тыныштық табуларың үшін жұбайлар жаратуы және араларыңда сүйіспеншілік пен мейірімділік орнатуы Оның (Алланың) белгілерінен (дәлелдерінен). Шын мәнінде, мұнда ойланатын қауым үшін ғибрат (белгілер) бар», – дейді («Рум» сүресі, 21-аят).
Имам әл-Қуртуби мен Ибн Касир (Алла оларды рақымына алсын) тәпсірлерінде бұл аяттағы «өз болмыстарыңнан» деген сөзді «бір жаратылыстан» деп түсіндірген. Кейбір деректерде «Адам пайғамбардың (оған Алланың сәлемі болсын) қабырғасынан Хауа анамыздың жаратылуы» деп түсіндіріледі. Бұл жерден ер мен әйел бірін-бірі толықтыру үшін жаратылған екендігін түсінеміз»,- деді Бас мүфти.
Жұма намазынан соң Бас мүфти еліміз бен жеріміздің игілігі үшін арнайы дұға жасады.
Тақырып бойынша жаңалықтар
Қызықты тақырыптар
Намаз уақыттары 
.jpg)
