АЛМАТЫДА РЕСПУБЛИКАЛЫҚ «ӘДЕМІ ӘУЕЗДІ АЗАНШЫ» ЖАРЫСЫНА ІРІКТЕУ ӨТТІ
Республикалық «Әдемі әуезді азаншы» жарысына Алматы қаласы өкілдігі бойынша іріктеу сайысы өтті.
Бостандық ауданы «Орбита-3» мешітінде Алматы аспанын азан үнімен әуелетіп жүоген қала мешіттерінің азаншылары жиналып, республикалық бәсекеде бақ сынасуға сайысқа түсті. Аталған сайыс азаншылық енерді даріптеу, жастардың діни білімін жетілдіру және талантты азаншыларды анықтау мақсатында
ұйымдастырылды. Іріктеу кезеңіне Алматы қаласындағы мешіттерден 20 ға жуық үміткер (азаншылар) қатысып, өзара бақ сынады.
Сайыс барысында қатысушылардың азанды дұрыс әрі көркем орындауы, дауыс мәнері, мақамы және шариғат талаптарына сай жеткізуі қазылар алқасы тарапынан бағаланды. Үміткерлер өздерінің дайындық деңгейін көрсетіп, азаншылық өнердің әсем үлгілерін көпшілік назарына ұсынды.
Іріктеу қорытындысы бойынша үздік деп танылған I орын - Баубек Бердіғалиұлына (Әуезов ауданы «Ақсай» мешіті ), ІІ орын - Абдул Гаффар Сайед Сараджуддин (Түрксіб ауданы «Фирали Ферғанұлы» мешіті), III орын - Нұрлан Полатұлы (Алатау ауданы «Дархан» мешіті) жүлделі дипломмен марапатталды. I орын иесіне республикалық «Әдемі әуезді азаншы» жарысына жолдама табысталды.
Іс-шара соңында ұйымдастырушылар барлық қатысушыларға ризашылықтарын білдіріп, республикалық кезеңге жолдама алған
жеңімпазға сәттілік тіледі. Алла Тағаладан барша қатысушылардың, ықыласы мен еңбектерін қабыл етіп, азаншылық өнердің өркендеуіне береке тілеп, бата жасалды.
Тақырып бойынша жаңалықтар
Қызықты тақырыптар
Намаз уақыттары 
.jpg)
