«ЖАС ОТБАСЫНДАҒЫ АДАЛДЫҚ ПЕН ЖАУАПКЕРШІЛІК» ТАҚЫРЫБЫНДА СЕМИНАР ӨТТІ
Мүфтият бекіткен «Ислам және адал қоғам» жылы аясында Алматы Орталық мешітінде жастар мен жас жұбайларға арналған «Жас отбасындағы адалдық пен жауапкершілік» тақырыбында семинар өтті.
Семинар спикерлері ретінде Орталық мешіттің наиб имамдары Бекзат Сыздықов пен Тимур Алиев (орыс тілінде) тақырып аясында насихат жүргізді. «Отбасылық қарым-қатынастағы адалдық пен шынайы жауапкершілік болашаққа деген сенім мен тыныштықты тудырады. Жұбайлардың мүмкін емес болып көрінген кездегі ашуды басу қабілетіне ие болу, туындаған мәселелерді бейбіт және ақылға қонымды жолмен шешуді үйрену – бұл өзара бақытқа апаратын жолдың басы ғана», - деп атап өтті имамдар. Бұдан өзге сұрақ-жауаптар алмасып, отбасылық тәжірибелермен бөлісті. Жастар ұйымдастырушыларға терең ой мен тағылымды семинар үшін алғыстарын жеткізді.
Алматы Орталық мешітінің баспасөз қызметі






