ПАЙҒАМБАРДЫҢ АУЫЗАШАР БАТАСЫ

19.04.2022 8 244 0

– | A | +

Әбу Бәкір Кердері бабамыз:

«Пайдасын өзің көресің,

Ғибадат қылып Аллаға.

Бір жаныңды нұрласаң.

Жаныңа ғазап хақ болар

Ораза, намаз, зекет, хаж

Атқарып уақыт тұрмасаң», - деп жырлағандай ораза асыл дініміздің бес тірегінің бірі. Ғұлама бабамыз:

«Дұрыс намаз, ораза,

Малғұнның тәніне,

Шанышарлық найзасы», - деп бес уақыт намаз һәм рамазан оразасы сүннетке сай атқарылған жағдайда нәпсі мен шайтанға зор соққы болатынын жырлауда.

«Қорқақ емей немене қашқан кісі,

Батыр емей немене шанышқан кісі.

Мың жылқы біткен баймен бірдей қисап,

Оразасын үйінен ашқан кісі!», - демекші, екі дүние сұлтаны ауызашар дастарқанында қандай бата бергенін білесіз бе? Мұндай бақыт кімге бұйырған еді?

Мәдина қаласында байырғы екі үлкен ағайынды Аус және Хазраж рулары өмір сүрді. Сағд бин Мұғаз (р.а.) әуелгісінің төресі болатын. Саңлақ сахаба Сағд (р.а.) ардақты Пайғамбарымызды (оған Алланың салауаты мен сәлемі болсын) үйіне ауызашарға шақырған екен. Бұл оқиғаны Зұбайырұлы Абдулла (р.а.) әңгімелеп былай дейді: «Алла Елшісі (оған Алланың салауаты мен сәлемі болсын) Мұғазұлы Сағд шаңырағына ауызашарға барды. Дастарқан басында: «Шаңырағыңнан ораза тұтқандар ауыз ашсын, дастарқаныңнан игі-жақсылар дәм татсын, періштелер отбасыңа дұға-тілек етсін», - деп бата берді». Бұл хадис Ибн Мажа жинағында келтіріледі.

Кімде-кім ораза ұстағанға ауыз аштырса дәл сондай сауап иеленеді. Алайда, ораза тұтушының мұнан сауабы еш кемімейді деген риуаятты білеміз. Он екі айдың сұлтаны рамазанда мұсылмандық парызы ораза тұтқан жанға дастарқан жайып, дәм беру сауабы мол игі іс. Ал енді, шақырылған қонақ пайғамбар болса, оның жөні тіптен бөлек. Атам қазақ: «Оразалымен оттас бол, имандымен жолдас бол», - дегеніндей, мұндай бақыт сахаба Сағд бин Мұғазға бұйырған еді. Ол Пайғамбарға (оған Алланың салауаты мен сәлемі болсын) ауызашар беріп, әрі батасын алған. Әз-Пайғамбарымыздың (оған Алланың салауаты мен сәлемі болсын) дұғалары мен баталары сөздің маржаны һәм мағынасы терең, қысқа да нұсқа болатын. Аус руының төресінің шаңырағында үй иелеріне үш тілек айтты.

Түйіндей айтсақ, Пайғамбарымыздың (оған Алланың салауаты мен сәлемі болсын) оразасына қанық Омарұлы Абдулла (р.а.) шама-шарқынша ауызашар беруді жанындай жақсы көретін. Ол рамазанда кешкі асын кедей-кепшікпен бөліседі екен. Ал, Әбу Ханифаның ұстазы Хаммад (р.а.) рамазанның әр кешінде бес жүз кісіге арнап дастарқан жайған деседі.

Авторы Руслан Қамбар

Дінтанушы, Қалқаман-2 мешітінің бас имамы

ДЕРЕККӨЗІ Azan.kz

Ислам ақпараттық-ағарту порталы

Предыдущий	Следующий
ЗЕКЕТ - НАМАЗДЫҢ ҚОРҒАНЫ	ТАРАУИХ - РУХАНИ НӘР БЕРЕТІН ҚҰЛШЫЛЫҚ
22.04.2022 2252 0	18.04.2022 2246 0

Оқырмандардың пікірі (0)

Қызықты тақырыптар

Рамазан ТАРАУИХ - РУХАНИ НӘР БЕРЕТІН ҚҰЛШЫЛЫҚ

Міне айлардың сұлтаны болған қасиетті Рамазан айы да келіп жетті. Бұл айда пенде Алла разылығы үшін ораза тұтып, соның жақсылығын ақыреттен күтеді. Рамазан айындағы әр құлшылықтың сауабы еселеніп қайтады деп жатамыз. Сондай сауапты амалдардың бірі «Тарауих» намазы. Тарауих намазы мұсылмандардың бойы...

18.04.2022 2 246 0

Рамазан АУЫЗАШАР – ШҮКІРШІЛІК ДАСТАРҚАНЫ

Қазақ халқы ежелден Рамазан айын ерекше қастерлеп, оны «Он екі айдың сұлтаны» деп атаған. Берекесі мол айда Жарамазан жырын айтып, оразаның келгенін қуанышпен жеткізіп, насихаттаған. Рамазан айында Алланың алдында ең ұнамды іс – ауыз аштыру екені мәлім. Ал ауызашар дастарқаны рухани сұхбаттың, бата ...

17.04.2022 3 824 0

Рамазан ЖАРАПАЗАН ЖЫРЫ

Жарапазан - он екі айдың сұлтаны Рамазанның келгенін хабарлайтын және халықты жақсылыққа, ізгілікке шақыратын жыр. Кейбір өңірлерде "жарамазан" деп те атайды.

14.04.2022 9 148 0

Рамазан САХАБАЛАР ОРАЗАСЫ

Он екі айдың сұлтаны болған Рамазан айы – нәпсіні тәрбиелеп, рухты тазартып, тақуалықтың жаңа сатысына көтерілетін – ай. Ораза - құрметті құлшылық. Құл мен Раббысы арасындағы – сыр. Себебі бұл айда рия араласпайды. Сол себепті де Алла Тағала «Адам баласының тек оразадан басқа амалының барлығы өзі ...

13.04.2022 3 197 0

Рамазан ОРАЗАНЫҢ ОН ТҮРЛІ ПАЙДАСЫ

Ораза дегеніміз, біріншіден - Алла Тағалаға бойсұну. Ораза мұсылманның бойына бұйрықты орындатып, тыйымынан қайтаратын тақуалықты егеді. Алла Тағала Құран Кәрімде: «Ей иман келтіргендер, алдарыңда өткен қауымдарға парыз етілгендей сендерге де ораза парыз етілді. Мүмкін, тақуа боларсыңдар»,- деген. ...

12.04.2022 2 462 0

Рамазан СӘРЕСІ ТУРАЛЫ ҮЗІК СЫР

Сәресінің уақыты таң намазы уақыты кірместен 10-15 минут алдын аяқталады. Шариғатымызда сәресі ішу мандуб-мустахаб (ерікті-жақсы көрілген) амал. Сәресі ішуді соңғы уақытына дейін кешіктіру, ал ауыз ашуды уақыты кірген бойдан кешіктірмей ашуда мустахаб амалдарға жатады....

11.04.2022 3 678 0