Аяқ киіммен намаз оқуға бола ма?

07.10.2020 3 470 0

– | A | +

Ислам – тазалыққа негізделген дін. Тазалық – дініміздің ең басты қағидаларының бірі. Әрі көптеген ғибадаттардың қабыл болуы осы тазалыққа тікелей байланысты. Мұсылманның ең абзал құлшылығы намаз екені баршамызға аян. Алайда сол намаздың дұрыс болуы үшін, денеміз, киіміміз және намаз оқитын орнымыз нәжістен таза болуы шарт.

Алла Тағала Құранда «Киіміңді тазала»[1] деген. Егер осы аталған үшеуінің бірі таза болмаса намазымыз да дұрыс болмайды.

Әнас бин Мәліктен (оған Алла разы болсын) Алла елшісі (оған Алланың салауаты мен сәлемі болсын) «Аяқ киіммен намаз оқитын ба еді?» деп сұралғанда, «иә» деп жауап берген[2]. Демек аяқ киіммен намаз оқуға болады. Алайда аяқ киім нәжістен таза болуы шарт. Әбу Сағид әл-Худридан (оған Алла разы болсын) жеткен хадисте: «Пайғамбарымыз (оған Алланың салауаты мен сәлемі болсын) сахабалармен намаз оқығанда аяқ киімін шешті. Оны көріп басқалар да аяқ киімін шешті. Пайғамбарымыз (оған Алланың салауаты мен сәлемі болсын) намазын оқып болған соң: «Аяқ киімдеріңді неге шештіңдер?» – деп сұрады. Адамдар: «Сіздің шешкеніңізді көріп, біз де шештік», – деді. Пайғамбарымыз (оған Алланың салауаты мен сәлемі болсын): «Маған Жәбірейіл (ғ.с.) келіп, аяқ киімімде бір жаман нәрсе барын жеткізді. Сендер мешітке[3] келсеңдер, аяқ киімдеріңнің табанына қараңдар. Жаман нәрсе (нәжіс) болса, жерге ысқылап, нәжісті кетіріп барып намаз оқыңдар»[4] деді.

فعن أبي هريرة رضي الله عنه، عن النبي صلى الله عليه وآله وسلم قال: «إِذَا وَطِئَ أَحَدُكُمْ بِنَعْلِهِ الْأَذَى فَإِنَّ التُّرَابَ لَهُ طَهُورٌ»

Әбу Һурайрадан (оған Алла разы болсын) жеткен хадисте: «Егер сіздердің біріңіз аяқ киіммен лас нәрсе басып кетсеңіз, топыраққа ысқылаңыз. Өйткені топырақ ластықты тазалаушы»[5], – деген. Нәжіс жұққан заттарды түрлі тәсілдермен тазалауға болады. Мәсі мен аяқ киімге нәжіс тисе сумен және жерге ысқылап нәжістен тазартуға болады.

Қорыта айтқанда, аяқ киіммен намаз оқуға рұқсат етіледі. Алайда басты шарты аяқ киімде нәжіс болмауы керек. Нәжіс тиген жағдайда оны тазалап, намаз оқи беруге болады.

[1] «Муддассир» сүресі, 4-аят.

[2] Имам Бұхари

[3] Ол кездегі мешіттерде қазіргідей кілемдер төселмеген. Ал қазіргі таңда мешіттерде кілемдер төселгендіктен міндетті түрде аяқ киімді шешіп кіру керек болады.

[4] Әбу Дәуд [5] Әбу Дәуд

fatua.kz

Предыдущий	Следующий
Бауыржан КӨПТІЛЕУОВ: Өтірік сөйлеудің зияны мен зардаптары	Қара сөз қара өлеңге айналғанда... #16
13.10.2020 5946 0	07.10.2020 2767 0

Оқырмандардың пікірі (0)

Қызықты тақырыптар

Сұрақ-жауап Қара сөз қара өлеңге айналғанда... #14

Мұқатып бірін-бірі мазақпенен, Өмір ғой өтіп жатқан азаппенен. Соңынан көштің итше ере бермей, Бой жиып алар қайрат қазақта кем!

21.09.2020 2 593 0

Сұрақ-жауап Мұсылманды қарғауға (лағнет айтуға) бола ма?

Лағнет – алыстату, қуылу деген мағынаны білдіреді. Егер лағнет Алла тарапынан айтылса, ол жақсылықтан алыстау, қуғындалуды, ал пенде тарапынан болса балағаттауды, жаман тілекті білдіреді[1]. Ибн Хажар: «Лағнет – Алла Тағаланың рахметінен алыстататын жаман тілек»[2] дейді....

16.09.2020 4 705 0

Сұрақ-жауап Намаз оқушының алдын кесіп өту күнә ма?

Намаз оқушы алдынан бір адамның кесіп өтуінен қауіптенсе, алдына сутра[1] қоюы – мұстахап.

14.09.2020 4 287 0

Сұрақ-жауап Ипотекаға үй алуға бола ма?

Баспана – киім-кешек, құрал-сайман, көлік секілді адамның негізгі қажеттілігі. Біреулер ата-анасынан мұрағы қалған үйге ие болады. Басқалары өз күшімен үй салу немесе дайын ақшаға үй сатып алу арқылы баспанаға қол жеткізеді. Қазіргі таңда несиеге немесе бөліп төлеу шартымен үй сатып алып жатқандарды...

27.08.2020 4 431 0

Сұрақ-жауап Имам Әбу Мансур әл-Матуридидің қандай еңбектері бар?

Имам Матуридидің іргелі еңбектері. Матуридидің еңбектері көбіне кәлам, фиқһ және методикасы жайында.

25.08.2020 3 204 0

Сұрақ-жауап Кремацияның дініміздегі үкімі қандай?

Кремация (лат. crematіo, cremare – өртеу) – мәйітті арнаулы тәсілмен өртеу әдісі. Алғаш рет соңғы неолит пен қола кезеңдерінде пайда болған (б.з.б. 3 – 2-мың жылдықтар). Ежелгі гректер мен римдіктер адам мүрделерін өртеуді кеңінен қолданды. Жапонияда, Үндістан мен Оңтүстік-Шығыс Азияның басқа да елд...

16.08.2020 2 506 0