ЖАҢАДАН ДІН ҚЫЗМЕТКЕРЛЕРІ ТАҒАЙЫНДАЛДЫ
Жетісу ауданындағы «Әли-Мұхаммед» мешітіне жаңадан имам тағайындалды.
ҚМДБ наиб мүфтиі Кенжеәлі қажы Қоңыратбайұлы бүгінгі қасиетті жұмада «Әли Мұхаммед» мешітінде «Имам ағзам Әбу Ханифаның өмірі мен өнегелі өсиеттері» тақырыбында уағыз айтып, жұма намазын жүргізді. Ханафи мәзһабының негізін қалаушы Имам Ағзам жайлы кеңінен деректер келтіріп, өзін ілімге арнауы, өмірін ілім үйренумен және оны басқаларға үйретіп, шәкірт тәрбиелеумен өткізуі, осы жолдағы шынайы ниеті мен қажырлы еңбегіне тоқталды.
Наиб мүфти Имам ағзам Әбу Ханифаның өнегелі ғұмырынан ғибрат беретін әсерлі уағыз соңынан ҚМДБ Төрағасы Бас мүфти Наурызбай қажы Тағанұлының дін қызметкерлерін тағайындау туралы бұйрығын оқып, жамағатқа таныстырды. Бұйрықта Қанатәлі Такиров «Әли Мұхаммед» мешітінің бас имамы қызметінен ауыстырылып, Бостандық ауданы «Нұр-Мүбарак» оқу-әдістемелік мешітіне наиб имам қызметіне тағайындалсын делінген. Сондай бұйрықпен Назарбек Ержан Бостанұлы Алматы Орталық мешітінің іс басқарушы қызметінен ауыстырылып, Жетісу ауданындағы «Әли Мұхаммед» мешітіне имам болып тағайындалсын делінген.
Жамағатқа жаңа имамды таныстырған наиб мүфти Кенжеәлі қажы Қоңыратбайұлы «Халыққа қызмет - Хаққа қызмет» екенін айта келе дін жолында аянбай еңбек етуіне сәттілік тілеп, батасын берді.
Назарбек Ержан Бостанұлы
Білімі: Жоғары
2001-2005 жылдары «Нұр-Мүбарак» Египет ислам мәдениеті университетінің «Исламтану» мамандығын тәмамдаған.
2014 жылы Мысыр Араб республикасындағы «әл-Әзхар» университеті жанындағы имамдардың білімін жетілдіру институтында 3 айлық курсына қатысқан.
Еңбек өтілі:
2005-2007 жылдары Алматы қаласы Алмалы ауданындағы «Тастақ» мешітінің наиб имамы;
2007-2013 жылдары Алматы қаласы «Сарыбай би» намазханасында молда;
2013-2016 жылдары Алатау ауданы «Мырзахмет» мешітінің бас имамы;
2016-2018 жылдары Алатау ауданы «Әскер ата» мешітінің бас имамы және ҚМДБ «Халал даму» мекемесінің Алматы қаласы бойынша жауапты маманы қызметтерін атқарған.
2018 жылдан бері Алматы Орталық мешітінің іс басқарушысы қызметін атқарып келген.
Үйленген, отбасылы.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
