ҚҰРБАН АЙТ 2023: ДАЙЫНДЫҚ ЖҰМЫСТАРЫ ПЫСЫҚТАЛДЫ
Бүгін Алматы қаласының бас имамы Төлеби Дәділұлының басшылығымен Орталық мешітте алдағы Құрбан айт мерекесіне дайындықты пысықтау мақсатына орай жиналыс өтті. Жиынға шаһардың 54 мешітінің бас имамдары қатысты.
Жиын негізінен үш өзекті мәселеге арналды. Оның біріншісі QURBAN2023.KZ сайты арқылы тапсырыстарды қабылдау және халыққа кеңінен түсіндіру жұмыстарын жүргізу. Одан өзге қаланың бас имамы қасапханалардың жұмысына тоқталды. Имамдарға қасапшылардың жеткілікті деңгейде болуын қадағалап, санитарлық талапты барынша сақтауға мән беру қажеттігін баса айтты.
Құрбандық шалу рәсімін қала бойынша ұйымдастыруға жауапты ҚМДБ «Зекет және қайырымдылық» қоры Алматы өкілдігі бойынша жауапты мамандарға қасапханалардың дайындығы, санитарлық талапқа сай жұмыс жасауы мен мұқтаж отбасыларына тізім бойынша өтінішіне сай әрі бекітілген тәртіп бойынша жүргізілуін қадағалауды тапсырды.
Барлық мешіттерде Құрбан айтқа қатысты мерекелік шаралар (киіз үй құрып дастархан жаю, балаларға айттық тарату, бүлдіршіндер үшін арнайы батут құру, ұлттық ойындар т.б.) ұйымдастыру қажеттілігі айтылды.
Жиын соңында қаланың бас имамы Төлеби Дәділұлы сауапты амалды тиянақты ұйымдастырып, мерекені жоғары деңгейде атқаруды тапсырды.
Естеріңізге сала кетсек, Арапа күні биыл 27 маусымға сәйкес келеді. Ал 28 маусым – Құрбан айт мерекесінің бірінші күні.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
